很擔心會不會有病?

你好,很擔心,2星期前被不認識的女生摸了30秒左右陰莖(不知道有冇碰到龜頭),當下也沒有其他性行為,最後是我自己解決了,而本身平時有自慰的習慣,包皮略長,有盡量保持雙手清潔,曾得過龜頭炎,天天提心吊膽,所以之後每天也會仔細檢查一下龜頭表面的習慣,但今天發現龜頭上有一點淡淡的小紅點,嚇親了,但不痛不癢,很擔心,整個坐立不安⋯⋯不知道會不會是性病⋯

補充返,個紅點好細,又不是很突出,上網睇好多性病話有潛伏期,2星期後出現既又好像不多,本個人好緊張又好擔心,又搵唔到果個人問清楚,只係單純手掂我,無體液接觸。。。定只係其實皮膚有D過敏。。。。我係要觀察幾耐?HELP。。

Hello~ 性病常見嘅傳播途徑為自身有破損嘅黏膜組織 (e.g. 陰道、肛門、口腔等)接觸到患者嘅高風險體液 (e.g. 精液、血液、腸液等),而部分性病會經由接觸到患者性器官附近嘅皮膚感染。

所以照你所講嘅情況,首先除非對方本身患有性病,如果唔係係唔會有感染性病嘅風險嘅。另外對方只係用手接觸你嘅陰莖,過程並無接觸到對方嘅高風險體液或者性器官附近嘅皮膚,所以即使對方本身患有性病,打飛機依個行為都係唔會有傳播風險嘅,所以唔洗太擔心:relaxed:

而你提到龜頭上有小紅點嘅情況,有機會係因為包皮略長以致龜頭容易積藏污垢,而如果你平日沖涼無反包皮清潔嘅習慣嘅話,就有機會因為積藏細菌而引致龜頭發炎。

建議你先去睇醫生了解返龜頭有小紅點嘅原因,另外見你提到之前都有試過龜頭發炎,所以亦都可以諮詢醫生意見睇下有無需要割包皮去改善依個情況。

多謝你咁夜都仲解答我!!
有D擔心佢喺摸我之前佢摸左D咩。。。
而我平時沖涼時都有認真清潔下身,但會唔會有機會因為自慰後無立即沖洗而發炎?
因為以前有過龜頭炎,包皮長,所以之後都好易復發?
謝謝你呀!

都有可能架,因為自慰後都會有啲精液殘留,混合埋啲汗水,有可能令細菌滋生,導致有發炎嘅情況。再加上你上嚟之前有個龜頭炎,而且包皮比較長嘅話,冠狀溝會好容易積聚包皮垢,如果自慰後無及時清理,就有可能再次發炎架啦。 如果之前都試過因為包皮過長而引起龜頭發炎,都不妨搵泌尿專科嘅醫生檢查一下,睇吓有冇需要割包皮,去減低污垢積聚造成發炎嘅機會。 :wink:

好似 @Ana_StickyRiceLove 講,因為你地都無高風險嘅體液接觸,例如性器官嘅分泌、血液或者精液等等,而且雙方性器官都無直接接觸,再加上有黏膜組織身體部位,例如口腔、胃、腸、尿道等都無接觸到,所以感染性病嘅風險係比較低嘅。而且而家出現嘅小紅點顏色都比較淺,而且冇令你引起痛楚或者不適,基本上都唔使太緊張! :grinning:

如果你擔心嘅話,都可以去診所或者社會衛生科檢查下,求個安心。知道可能唔係咩大問題只係皮膚敏感,或者真係龜頭有少少發炎嘅跡象,都應該會令你更加放心,起碼唔使坐立不安! :wink:

你好呀,帶D長篇,但我想報告返下個進度 。。。。其實因為成個龜頭正面一直似發炎既紅腫,但又無之前既咁嚴重會好癢,我都以為自己只係龜頭發炎,所以有用返之前睇醫生既藥去擦左一個幾星期,可惜無特好返既感覺。

而昨晚洗澡後發現!!!!龜頭後方系帶附近有3-4小點類似皮膚損左,有2粒有D 似水泡(0.5MM)左右,輕碰會有損痛感,而不知可時也似爆左咁,而水泡既出現好突然,但覺不是很癢。

太過擔心所以今日一早去睇D 私家醫生,醫生話似病毒感染既損傷,疑似疱疹,我當下心情晴天霹靂,之後醫生幫我抽血叫我等一個星期左右,我腳都軟埋,無諗過只係比人用手掂左一陣下身都會咁。。。。

我上網睇以為生殖器疱疹一般會在受感染後一天至十四天內發病,我計落都過左 21日以為可以排除,雖然14日時有龜頭發炎既類似症狀,報告未出,但我依家真係好驚,好驚以後影響生BB同另一半,我後悔死了。。。點算。。。

都唔洗咁擔心嘅,其實嗰個女仔同你接觸嘅時間只係30秒左右,而且雙方都無明顯嘅傷口,係唔足以性病或者病毒嘅傳播嘅。同埋另一樣嘢呢就係見到你話用咗上一次醫生開咗俾你嘅藥膏發現無效先去睇醫生,其實都唔係咁建議咁做,因為每一次出現發炎嘅原因都未必係一樣嘅,同埋其實呢啲消炎藥膏開咗咁耐有可能係過期嘅。另外,每隻藥膏嘅成份同埋可以殺嘅菌都會唔一樣啦,可能呢次A藥膏係殺A菌,但係你今次引起發炎係B菌,咁A藥膏係無效嘅,甚至可能引致一啲抗藥性或者令B菌更活躍嘅,所以唔建議係發炎嘅情況自己用藥嘅。 :nerd_face:

就咁睇你嘅情況,依家感染性病嘅風險真係唔大嘅,唔洗擔心。不過如果以後感染到疱疹都唔洗驚嘅,因為大部分嘅性病都可以用藥物去治癒或者控制病情嘅。雖然暫時疱疹係醫學界無藥物可以根治啦,但係大部份人係之後嘅1-2年病毒都唔會再影響身體。 :relaxed:

見你之前都有講包皮過長嘅情況令你不斷發炎,建議你可以搵專科做一啲種菌測試,睇下會唔會一直感染嘅病菌都唔可以俾之前嘅藥物解決到。同埋你都可以睇專科幫你做個全面啲嘅檢查,睇下會唔會有其他嘅情況導致不斷發炎,甚至俾醫生評估下需唔需要割包皮。 :wink:

謝謝你地。
我今日一起身,再檢查一下,發現傷口根本冇似想埋口結蕉嘅跡象,仲少有小小濕潤,其實咁樣應該似係一個壞消息⋯好大機會真係病毒感染⋯

點解打飛機都會中招⋯:sob:,同埋個潛伏期咁長嘅咩? 14日有啲紅腫,21日先病發有水泡⋯

其實現階段醫生係懷疑你有可能係疱疹感染,但未有化驗報告嘅情況下我地好難確實咁知道你嘅身體狀況。而你嘅症狀又的確同疱疹唔係好相似。所以都係要耐心等待報告先。同埋疱疹嘅潛伏期一般係2-12日,雖然有好多感染者都係毫無病徵,但都好少會14日先出現紅腫,去到21日再出現水泡嘅。而且疱疹嘅病徵除咗出現水泡,好多時亦會伴隨類似感冒嘅徵狀,例如如頭痛、背痛、淋巴結腫脹或者發燒。同埋疱疹嘅水泡爆破後通常都會留下帶痛楚嘅傷口(尿液流經會感到痛楚),為期2至3星期。而你都有提及其實現時出現病徵嘅位置都冇特別刺痛,所以你嘅病徵都未必係反映疱疹感染。 :relaxed:

至於之前嘅解釋,其實你之前嘅性接觸嘅風險係好低嘅。而包皮過長問題的確有機會出現因為清潔唔夠而引致嘅發炎。既然今次你有呢啲問題,其實都可以做個全面嘅檢查同埋諮詢下醫生建議睇下需唔需要進行割包皮。 :blush:

1個讚