食事前避孕藥期間出血會否影響避藥效果

一直有喺家計會配食yaz避孕藥(快一年),都冇咩問題。前日(12/4 )有發生性行為,沒有使用避孕套,但昨日(13/4)第一次發現有點出血 (嚟M最後幾尾日嘅血量),想問會唔會減低避孕藥效?

感謝!

你好 @Julie :wave:t2: :wave:t2:

我見你一直都有食開避孕藥,你都差唔多一年啦,如果冇漏食藥同埋做一直有食開,身體其實已經適應咗個藥效,與藥效亦都喺身體裡面建立得好穩定,基本上唔需要擔心有懷孕嘅風險。 :wink:

如果有少少出血嘅話,可能係因為喺性行為嘅過程之中比較激烈,動作比較大,導致有少少撕裂嘅情況出現,都唔需要太擔心嘅。下次再發生插入式性行為嘅時候都要留意潤滑度足唔足夠,睇下有冇需要使用適合嘅潤滑劑去減低磨擦。 :grimacing:

喺懷孕嘅情況底下出血嘅情況係比較少嘅,坊間所講嘅著床性出血,都要喺受精卵係子宮喺邊著床,先至會可能有出血嘅情況,受精卵著床嘅時間通常都會係性行為嘅3至6日,而你係性行為後1日就出血,所以都唔係著床性出血,唔洗擔心。 :sunglasses:

如果你真係擔心嘅話,可以喺3月19號用驗孕棒驗孕,會有初步嘅結果;喺3月23號驗,結果就會更加準確同埋可信㗎啦。 :wink:

同一時間,事前避孕藥嘅其中一個常見副作用係導致係非經期期間出現少量嘅陰道出血。不過如果你已經食咗同一款藥物一年,但以往都冇出現過呢個副作用,而呢件事都令你覺得擔心的話,都不妨打返去家計會預約複診檢查一下而且一般來講其實都建議服食事前避孕藥嘅人每年要搵醫生做一次檢查確保身體依然適合食藥所以都不妨趁呢個機會去進行檢查,為自己求個安心。