好擔心!😥

上個禮拜五同男朋友做,但係個套穿咗,3個鐘內食咗anlitin,上個月係21號嚟M,雖然未到21號,但係都好驚,會唔會有咗

同埋食咗兩擔飯先食事後丸得唔得

hello~ 你好啊~ :smiling_face_with_three_hearts:

→ 事後丸/驗孕
首先都好欣賞你同男友有意識載套,進行安全性行為 :raised_hands:。 回應番食事後丸嘅問題先,相信飯前飯後食用嘅影響不大。同埋見你提到喺性交之後3小時就食事後丸,都喺安全可靠方式緊急避孕。原理喺透過高劑量嘅人造荷爾蒙抑制排卵或干擾受精/著床過程,成效都有97% 至99%。需要喺性交後72小時、或性交後120小時之內服用。而你都有跟隨服用方法,喺性交後3小時就食咗事後丸,所以都唔需要太擔心~ 食咗緊急避孕藥嘅話,都有機會影響到來經嘅日子提早或廷遲,所以就算下次來經日子未必準確嘅話,都唔需要太驚 :laughing:

另外,如果依然都喺好驚嘅話,都可以嘗試一下驗孕 :raised_hands:~喺進行性行為7 日或11日就可以得到測試結果。如果7日進行驗孕,就可以獲取初診結果;11日後之後,就可以獲取較準確嘅結果!最為普遍嘅驗孕方法喺驗孕棒。當中嘅原理係透過測試尿液內嘅hCG(人絨毛膜促性腺激素)嘅水平去測試,建議使用晨尿嚟測試,因為晨尿比較濃縮,所以hCG水平都會比較高,更加容易檢測。提醒翻都要跟足驗孕棒嘅指示完成,咁樣檢測結果至有更大嘅參考價值。

→ 男用安全套嘅使用方法
最後,見你一開始都提到因為安全套喺做愛嘅過程中穿左,以致需要使用緊急嘅避孕方式,服食事後丸 :sleepy:,都想了解安全套喺咩情況之下穿咗? 例如「潤滑度不足」、「配戴時冇擠出儲精囊嘅空氣」等等比較常見嘅令安全套穿嘅原因。

如果因為「潤滑度不足」,建議配搭潤滑劑使用,但都要留意油性潤滑劑係唔可以同乳膠造嘅安全套一齊使用, 因為油性嘅物質會侵蝕乳膠,增加安全套破裂嘅機會~ 如果喺因為「冇擠出儲精囊嘅空氣」的話,就要喺安全套套上陰莖後確保儲精囊裡面嘅空氣已經擠出。因為如果冇咁做嘅話,就有機會導致空氣同安全套摩擦而造成破損。係射精嘅時候亦會因無足夠嘅空間暫存精液,令氣壓有機會整穿安全套。所以套入安全套之前,要確保儲精囊裡面嘅空氣已經擠出~

我地機構都近期都出過關於「10個令安全套失效嘅原因」嘅ig post,都可以回想翻10個原因,會唔會喺出現喺你地身上嘅情況? ig post 裡面都分享咗唔同建議,希望可以幫到你地啦~ :smiling_face_with_three_hearts: