好擔心。😢

我想問下其實成日迎着自己想快d嚟m其實係咪唔會嚟,同埋之前因爲某d事搞到我情緒唔好係咁爆喊係咪都會影響經期?而家好心好唔舒服成日覺得自己有咗好緊張因為好攰我就覺得自己係有咗,同埋我驚有咗所以係咁打自己個肚,感覺上自己會好d冇咁大壓力,但咁樣係咪會對身體唔好?

首先好多謝你願意同我地分享你嘅煩惱 :pleading_face:,的確情緒都喺影響經期嘅因素之一。因為有好多外在同內在嘅因素會影響月經週期,倒如荷爾蒙變化、生病、服用藥物及生活作息有改變等等。所以都想你明白經期遲咗不等於懷孕~ :raised_hands:

見你有提到當疲倦嘅時候就會覺得自己懷孕,甚至會打自己個肚,都似乎出現過份焦慮情況 :pleading_face: :pleading_face: :pleading_face:,都想了因為咩實際原因或心理原因而令感到擔心?如果覺得疲倦嘅話,有機會喺因為經期前後做成身體反應、都有機會喺因為壓力問題,而導致生理影響心理。而打自己個肚都未必好方法疏導情緒,甚至解決問題~ 如果真喺好擔心嘅話,都可以嘗試一下進行避孕~ :raised_hands:

其實我都有懷疑自己係咪有情緒病嗰d,有時我會因為好多原因而覺得緊張、焦慮嘅感覺,feel到我心係咁跳,好唔舒服,有時會好嚴重,覺得好辛苦,係咁喊,喊得好犀利嗰陣時好似變咗第二個人咁,會打自己、大嗌、扯自己啲頭髮咁,有時會想自殺,其實呢樣野都維持咗好耐,但開頭都唔會咁,同埋我都唔夠膽同人講:frowning:
雖然唔關性事🥲但都想知道發生咩事

好多謝你同我哋分享咁多關於你自己嘅情況呀,睇得出你好辛苦,好想去改變,但係嗰啲傷害自己嘅行為冇辦法停止,雖然喺現實之中唔敢同身邊嘅人講出嚟,但係你已經做咗好好嘅第一步,就係你肯係呢度同我地講。 :relaxed:

睇你咁講,你呢啲情況已經出現咗一段時間,亦都好想知道自己發生咩事。不如你試下回想下係咩嘅情況底下你會覺得好辛苦、好緊張、好焦慮,以致於會有打自己、大嗌、扯自己頭髮,甚至有時候會想自殺,然後試下歸納呢啲情況,睇下係因為啲乜嘢觸動到你有咁嘅行為。之後我哋就可以試下回想下,你咁樣嘅情況,係從幾時開始出現,又係幾時開始慢慢變得嚴重。 :thinking:

如果你唔介意,都可以喺邊度講下之前有冇發生啲咩事,令呢個情況更加頻繁咁出現。 :nerd_face:

不過提提你,當自己都唔能夠幫到自己嘅時候,不如試下搵人幫下手?而家都有好多網上嘅平台,可以畀你係唔透露自己身份嘅情況底下傾下偈架,例如係:

賽馬會青少年情緒健康網上支援平台-Open噏
(24小時緊急情緒支援服務)

網址:www.openup.hk

Facebook / Instagram / WeChat: hkopenup

SMS: 9101 2012

香港青年協會「關心一線」

電話:2777 8899

周一至六 14:00-02:00

如果有需要,亦都可以搵社工、或者輔導員或者臨床心理學㗎幫手架,呢件並唔係一件軟弱嘅事嚟架。糖不甩嘅大家亦會一直喺度陪伴住你! :smiling_face_with_three_hearts: