應唔應該去食事後藥

啱啱同男朋友情到濃時 佢放咗下面係我陰部上面 冇插入 淨係掂到外面 仲係處 應唔應該去食定事後藥 好徬徨 我得17 去家計會嗰啲又怕。。。我好亂

hello 你好啊~ :smiling_face_with_three_hearts:

→ 關於非插入性行為
首先好多謝你願意同我地分享你嘅煩惱 :pleading_face:,想了解翻「佢放咗下面係我陰部上面 冇插入 淨係掂到外面」嘅過程當中有冇使用安全套?因為男性喺性興奮嘅時候,陰莖會流出透明黏稠液體,即喺俗稱嘅尿道球腺液( Cowper’s fluid/pre-cum),當中有機會含有少量精子。所以就算喺非插入性行為,當冇使用安全套嘅話,仍然有某程度嘅懷孕風險~所以都建議進行親密接觸、就算喺體外磨擦嘅時候, 都建議使用安全套~ 保障大家之餘,又令到大家心安~ :wink:

→ 關於事後藥/ 驗孕
另外,如果真喺好擔心懷孕嘅風險/ 避孕措施失效嘅話,可以考慮服用事後藥 。事後藥喺香港嚟講屬於經醫生屬方藥物~事後藥嘅副作用都會因人而異,都未必人人都適合服用事後藥,所以都想提醒番呢一點~

事後藥嘅原理喺透過高劑量嘅人造荷爾蒙抑制排卵或干擾受精/著床過程。可以分成兩種,性交後72小時(注射單一荷爾蒙——黃體酮)同埋性交後120小時(注射黃體激素受體劑)內服用。留意翻性交後72小時果種,分為兩劑,第一劑需要喺72小時內服用,第二劑面要喺服用在第一劑後12小時服用就可以。事後藥可以喺家計會、母嬰健康院、婦女健康中心、婦科診所、私家診所攞到~ 提醒番如果服用事後藥之後,來經日子提早或廷遲都屬於正常反應,所以就算未嚟經期都好,都唔要太擔心~ :raised_hands:

再者,真喺好擔心嘅話,都可以嘗試一下進行避孕~喺進行性行為7 日或11日就可以得到測試結果。如果7日進行驗孕,就可以獲取初診結果;11日後之後,就可以獲取較準確嘅結果!最為普遍嘅驗孕方法喺驗孕棒。當中嘅原理係透過測試尿液內嘅hCG(人絨毛膜促性腺激素)嘅水平去測試,建議使用晨尿嚟測試,因為晨尿比較濃縮,所以hCG水平都會比較高,更加容易檢測。提醒翻都要跟足驗孕棒嘅指示完成,咁樣檢測結果至有更大嘅參考價值。

→ 家計會私隱問題
最後,都見到你提到擔心諮詢家計會嘅私隱問題。家計會唔會預先有求助者嘅屋企人電話或任何聯絡資料,都唔會喺諮詢家計會之後,又或者攞咗事後丸或見完醫生之後,再通知屋企人。所以都唔需要太擔心私隱問題~再加上見你提到自己依家17歲,喺香港法例上16歲或以下青少年進行性行為才觸及法例,所以都唔會通報屋企人或其他機構~

冇用啊 咁先怕啊TTTTT咁我應該去家計會?TTT

正如之前同你解釋,陰莖喺受到刺激嘅時候會有尿道球腺分泌,當中有機會含有少量精子,而如果你嘅陰部接觸到呢啲分泌物,都會有一定嘅懷孕風險。 :confounded:

你可以自己衡量下風險睇下需唔需要去家計會睇醫生攞藥嘅,呢個完全係你自己嘅選擇。不過都要提返你,要喺性行為5日內進行緊急避孕先有效,所以如果你決定食,就要聽日盡快去家計會青少年保健中心啦(要留意返,星期六服務時間係9點去到下晝1點,星期日就休息)。如果你去唔切家計會,而你都想食藥嘅,你都可以去私家診所去見醫生拎藥嘅。
如果你決定唔食藥而你都係擔心嘅,你都可以考慮自行驗孕嘅。 :wink:

同埋下次再發生性行為嘅時候,即使唔係發生陰莖陰道插入式嘅性行為,都可以考慮全程使用安全套,咁就可以更加安心啦~ :blush: