急問 關於YAZ

我本來應該星期三(即今日)開始食新一盒藥,但因為我想delay period兩日,於是17號冇食4日白色藥,開左一盒新既食左連續食左兩日藥。果然好準,今日黎左m。

我想問我食咪應該等到星期五再重新食一盒(同樣delay兩日)?定應該按照之前咁今日食新一盒?謝謝!

你好 @jelly :wave:t2: :wave:t2:

如果一向食開藥,突然咁樣停藥都唔係咁好,建議你之後要停藥或者想調節月經週期,最好都係問下醫生意見先呀。 :nerd_face:

通常嚟講,果四粒白色藥係無藥效嘅,果四日係俾你嚟月經嘅日子。依家你嘅情況係你無食呢四日白色藥丸,直接開咗新一盒嚟食,咁樣會打亂原本嘅月經週期架。 :pensive:

你依家已經嚟咗兩日月經,可以等多兩日,然後開一盒新藥食,當自己第一次食避孕藥咁開始食藥。要留意嘅係,你停藥呢4日同埋食新藥頭7日,如果要發生性行為,都係需要使用額外嘅安全措施,例如安全套。 :innocent:

建議你唔好繼續食原本食咗兩粒嘅果盒藥,要開一盒新藥食呀。原本果盒可以留返低做後備,如果以後你需要推遲月經嘅時候都可以根據醫生嘅指示使用。 :wink:

仲有呀,人人嘅健康情況唔一樣,建議你聽日都係打個電話去家計會,睇下佢地會唔會可以俾到建議或者可以約到一個比較快嘅時間俾你見醫生呀。 :relaxed:

多謝你既解答!

我其實係跟佢既instructions咁去推遲經期,所以直接開左盒後備食多兩日藥,不過對於佢話“停藥最多四天後開始新一盒藥片”唔係太理解。我本來都係打算停返四日(即四日白色藥),到星期五先開新一盒藥,但佢話“最多”四日,似乎可以唔洗等四日就開始新一盒藥,可以跟返我本身逢星期三開始。

我本來都想打去家計會問,點知佢地已經收左工…:sweat_smile:

你依家嘅食法都係啱嘅,你食完兩日藥之後就停四日,姐係星期六再開新一盒藥食,咁就可以架啦。不過如果你由今日去到30號需要發生性行為嘅話,最好都係用額外嘅安全措施比較安心啲。 :wink:

都可以解釋返俾你聽嘅,首先你一開始開咗盒新藥食咗兩日係用嚟推遲月經嘅,咁你無食過白色藥丸,就需要自己停4日,然後再開一盒新嘅重新開始食。因為你有停過藥,所以我地嘅建議都係開新一盒藥頭7日都用埋安全套比較安心啲。不過有個情況就係好似說明書上面咁講,有可能會點滴或者短暫出血。 :grinning:

至於說明書上面嘅指示講話停最多4日係因為呢4日係模擬返你食非活性藥片果四粒藥,所以佢最多都係4日。 :smile:

不過原則上你依家嚟咗月經,你都可以隨時開始食新藥架啦,都無影響。 :relaxed:

感謝你既回覆! :smile: