有左bb?


我上個月21/3黎M,係第六日同男朋友無套做愛,嗰陣仲黎緊M,但冇內射,之後做愛一直有戴安全套,今個月遲左1個禮拜都未黎,買左驗孕棒想請問呢個係咪代表冇?我平時28-33日都會黎,但今個月遲好多,好擔心會唔會有左:sob:,求解答!

Hello
其實個驗孕棒左邊粉紅色嘅部份都有展示返如果無懷孕嘅話測試結果會係咩樣,你呢個測試結果係冇懷孕。一般驗孕棒都會有T(Test)同C(Control)兩條線。如果只有C一條線出現,結果就係冇懷孕/或者hCG濃度過低未能測試到(所以通常性行為7日後驗孕會有初步結果,而11日後驗孕會有比較準確嘅結果);而如果T同C兩條線同時出現,就證明有懷孕;而如果冇C線出現,就係驗孕棒出咗問題,需要買支新嘅再做一次測試。
所以睇返你嘅情況,你距離冇用套嘅性行為已經過咗11日,驗孕會得到比較準確嘅結果。 :relaxed:

而你上次係21/3月經,平時月經週期係28-33日嘅話,其實直到今日都只係過咗33日,唔算話「遲好多」。其實月經週期會受好多因素影響,例如荷爾蒙分泌、飲食、作息、壓力、藥物等等。建議你放鬆心情耐心等待,月經會出現嘅。 :blush:

最後都想提返你,月經期間一樣會有懷孕風險架,下次無論係幾時再發生性行為,都要記得全程正確使用安全套,咁就可以更加安心啦。 :wink: