有無人會發夢係做愛同自己假想的人做愛
我大約一個星期無打飛機，E兩晚試到條底褲濕左就醒左，但又吾係漏精只係好多淫水同JJ頭好濕，甘樣正吾正常
我
Hello
你所講嘅嗰啲「水」其實係尿道球腺分泌物，陰莖喺受到刺激嘅時候會分泌嘅，係好正常嘅情況嚟嘅～可能因為你發夢令到你覺得性興奮，所以陰莖會有反應，而且瞓覺嘅時候陰莖亦會相對比較敏感，所以就會出現你所講嘅情況啦。 
至於發夢嘅部份，其實呢個都係好常見嘅夢，冇話係正常定唔正常架～有啲理論係話夢境嘅內容其實係反映平日自己身心靈上面嘅需要，特別係一啲無被滿足嘅部份。見到呢度提及自己大概一星期無打飛機，都想了解下你以往嘅自慰習慣係點架呢？如果之前一直都有恆常地自慰，但過去呢個星期突然暫停咗，都有機會係身體未適應到而令到潛意識透過夢境去勾起同「性」有關嘅資訊，希望令你留意到自己嘅需要。當然，呢個只係其中一個可能性，只係一個參考，但總括而言有類似嘅夢都係絕對無問題架～ 
同一時間，之前有唔少針對自慰習慣嘅調查（例如係TENGA每年都會做嘅調查）都有列出大部份人嘅性刺激來源，除咗視覺上睇色情影片，以伴侶做性幻想對象，其實以虛構或者假想對象做性幻想都係好常見架～ 
濕得好犀利好似有道熱能焗住，我打左飛機反而無事，D淫水係咪提醒我要射精打飛機呢？
同埋未打之前分泌物係無味，點解打完之後果D會有味同埋令底褲好易變黃？
如果尿道球腺液分泌得比較多，令你覺得好濕好焗嘅話，建議你瞓醒之後要換條乾淨嘅底褲。因為陰部嘅肌膚相對比較柔嫩，長時間喺濕或者焗嘅環境下都唔係一件好事。 
至於睡眠中分泌尿道球腺液同自慰有冇直接關係，其實唔一定嘅，同埋每人情況都會唔同。只要你搵到適合自己嘅自慰習慣，你覺得舒服就可以，頻率方面其實都冇統一嘅標準嘅。而且同夢遺一樣，有尿道球腺分泌係好正常嘅生理現象，唔需要覺得好排斥／好反感／要靠自慰去減少呢種情況嘅發生嘅。
尿道球腺液、尿液、精液其實同樣都會經過同一個尿道同尿道口排出體外，所以如果你有排尿同埋射精，再有尿道球腺分泌物嘅時候，當中有機會含有少量尿液／精液。因此你會覺得有味／有顏色。呢個都係正常情況嚟嘅。另外都想問返你所講嘅「打完之後果D」係平均每次都係咁，定係只係其中幾次？其實如果你有排尿嘅話，有機會有少量尿液殘留喺尿道口，而如果你冇割包皮嘅話，都有機會留係包皮到，所以呢啲尿液都有機會令到你覺得底褲有味或者變黃。而分泌物嘅味道同時都同你嘅身體狀況相關，例如如果飲食方面食得多比較重味嘅食物、或者身體水份唔夠、或者有服用藥物，其實呢啲因素都會影響分泌物嘅味道嘅。如果你好介意整污糟底褲嘅話，你都可以考慮著深色嘅底褲，同埋記得要清洗乾淨底褲呀。