係咪代表冇事🙇🏻‍♂️

請問我21號冇套做完愛,然後22號早上就嚟m,同以往一樣紅同多,咁樣係咪就代表唔會有咗.求解:bowing_man:t2:‍♂:bowing_man:t2:‍♂

但係我呢幾日已經有嚟m嘅症狀,所以請問嚟咗m係咪都有可能係有咗:bowing_man:t2:‍♂

想了解返你所講嘅「呢幾日已經有嚟m嘅症狀」係指啲乜嘢?係月經不適?定係經前不適?定係你所講嘅21號同22號係指3月,而你而家4月未有嚟月經,暫時只係有不適嘅感覺,所以覺得擔憂? :face_with_monocle:

如果你3月21號發生性行為,3月22號月經出現,咁就唔會有懷孕風險。因為月經期間子宮內膜脫落,精子唔會可以喺體內生存到嘅。建議下次再發生性行為嘅時候要全程使用安全套。即使性行為之後出現咗月經就代表係無懷孕,但係月經週期同排卵好容易受其他因素嘅影響,好難好確實咁肯定自己幾時會月經,所以為咗安心啲,記得要用安全套呀。而且有啲人係月經期間身體就會開始排卵,所以即使已經嚟咗月經,其實呢段時間之內都係依然有懷孕風險架。 :confounded:

如果3月21號之後你冇再發生過唔安全嘅性行為,原則上係可以排除懷孕嘅可能性,即使而家4月起未嚟月經都係同懷孕無關係嘅。 :blush:

多謝你:relaxed: 但係如果我3月22做完愛 3月24就嚟m 但嗰幾日已經有經前不適 如果嚟咗m係咪都有可能係有咗定如果有咗就算有經前不適都唔會嚟m​:bowing_man:t2:‍♂:bowing_man:t2:‍♂

正如 @Ching_StickyRiceLove 所講,如果性行為後出現左月經,就代表唔會有懷孕風險 :relaxed:

不論來經前,有無出現經前不適症狀都好,有出現月經的話就代表來經前發生嘅性行為,並無導致懷孕:blush: 而依家有出現月經,就無需太擔心啦 :wink:

如果有懷孕的話,其中一個最明顯嘅徵兆就係停經。因為月經唔會出現,所以亦唔會出現經前不適嘅情況。懷孕後出現不適嘅情況,有機會係懷孕初期症狀,例如情緒不穩、嘔心感覺、嘔吐、容易疲累、乳房脹痛、尿頻等。不過並非每一位女性懷孕期間都會出現以上嘅徵兆 :blush:。雖然有時經前症狀懷孕初期症狀都好近似,不過只要性行為期間有戴好安全套,出現類似不適狀況嘅時候(例如乳房脹痛、腹痛、容易疲倦)就無需太擔心住,始終不適狀況唔一定係由懷孕所引起 :blush:

最後,建議番無論咩日子發生性行為都好,整個性行為過程中都戴好安全套,一方面可以減低懷孕風險,另一方面都可以避免性病傳播嘅機會啊~ :two_hearts:

唔好意思我想再問清楚一啲:bowing_man:t2:‍♂ 因為如果我19 20 號已經有經前不適 知道自己已經要嚟m 但係我係21號做完愛 22號就有嚟m 咁咁樣係咪都有可能係有咗定如果有咗就算有經前不適都唔會嚟m​

如果你3月19 20號開始感到經前不適,3月21號發生性行為,3月22號月經出現,月經嘅狀況亦同以往無大分別的話,咁就如同我地之前所解釋嘅,基本上已經可以排除會懷孕嘅可能性,亦即係話代表你無懷孕。 :blush:
都想同你解釋返經前綜合症喺月經前幾日至兩個星期都有可能出現嘅,症狀會隨著月經出現消退,所以就算經前不適出現,我地都很難去準確咁估計究竟邊一日月經會出現。

同一時間,常見嘅「經前不適」其實都可以由好多其他因素造成,例如腸胃不適、休息不足、荷爾蒙變動等等。所以呢啲症狀唔能夠用作判斷係咪就快要嚟M,更加唔可以用嚟判斷一個人有無懷孕。即使有定冇出現,其實都唔可以反映啲咩架。
但只要月經出現就代表無懷孕。而如果有懷孕嘅話,就唔會有月經嘅出現。 :relaxed:

見你都對呢樣嘢好擔心,如果呢件事令你好困擾好緊張,你不妨去驗下孕。而家距離你21號發生嘅性行為已經過咗11日,你驗孕會得到準確嘅結果嘅。可能你親眼見到驗孕結果係陰性,就會安心啲嘅。

同埋最後都係提醒返,記得之後再發生性行為嘅時候做好安全措施,咁就可以更加放心啦。 :wink: