一直有食開避孕丸 食開yasmin
今個月係比以往早左2日開新一盒藥 因為想改黎m既日子
我記低左就係4月3號開一盒藥 我平時習慣係每晚10點食
到19號 當時以為17號冇食
而我18號係有照正常時間食 食左一粒 (當時仲未留意到有冇漏食)
到19號朝早記起17號好似冇食 我就再食多一粒 然後19號夜晚照食一粒 (我係按照說明書 漏食既做法)
然後每日都照食 直至23號 即係今日 應該係食最後一粒 但發現已經食哂
即係我可能食多左一粒
我係今晚(23號)開左一盒新 食左一粒
想知道係咪應該繼續食埋呢盒 或是我應該停藥？
如果食到都唔知有冇漏 做法應該係點？
當然，我往來會更留意包裝上日子 食緊星期幾 
Hello @mooluu 
依家發現少左一粒藥，而之前有機會服用多左一粒嘅情況，建議可以繼續如常咁服用新一盒嘅避孕藥，無需停藥。不過因為始終都有少少打亂本身28日的月經週期（上次有一日可能食左2粒，週期變左27日），都建議考慮呢7日配合番阻隔式避孕工具（安全套） 
。
平日如果唔肯定自己之前有無漏服，首先可以留意番以下情況，都需要再次配合阻隔性避孕工具 使用， 持續7天 ，因為藥效有機會消失，需要重新建立，避免期間有懷孕風險。
服藥期間曾經漏服藥，有補食藥丸
服藥期間曾經漏服藥，無補食藥丸
曾經停藥（不包括Yasmin七天無藥期）
所以有無漏服，或者唔記得有無漏服的時候，都先建議持續7天使用額外嘅阻隔式避孕工具（安全套）。而有無需要即時補食避孕藥，則可以視乎是否已經過左漏服時限。例如參考番YAZ官網，Yasmin的漏服時限為12小時。如果記得係大概12小時內漏服，一記起嘅時候就儘快補食番，下次就按番正常時間服用。如果已經超過12小時，咁避孕藥本身嘅藥效可能就已經降低左，補食該粒避孕藥嘅幫助不大，無需刻意補食，配合阻隔式避孕工具來減低懷孕風險較為重要 。
如果都已經係隔左好多日先發現自己有機會漏服，建議回顧一下由漏食當天起計，有無發生無使用安全套嘅性行為，因為呢段時間藥效有機會降低，可能有懷孕嘅風險。建議呢個情況下，可以去家計會／母嬰健康院／普通科門診／婦科診所／急症室睇醫生（事後丸喺香港係屬醫生處方藥物 ），先諮詢醫生嘅意見，及視乎情況攞埋事後丸（事後丸最長服用時限為120小時）或進行驗孕 。咁就可以確保將懷孕嘅機會減到最低。
以之前19號當日以為17號並無服用到避孕藥為例，因為當時已經過左12小時漏服時限，其實無需特別補食避孕藥。只需要記得當日開始，未來7天除了定時按正常服藥時間服用避孕藥外，需要額外使用阻隔式避孕工具（安全套），咁就可以了 。
參考 <YAZ - 避孕藥常見問題>
https://www.yaz-hk.com/cn/faq.php
如果未來怕自己有機會漏服的話，都可以在手機內設好鬧鐘／下載能夠提醒服藥嘅Apps，開啟服藥通知，咁就唔怕漏服／遲左服藥啦 
另外都可以嘗試預先在避孕藥包裝上每一格都寫上日期，有助自己掌握有無漏服到避孕藥啊 
。
最後，因為都留意到今次改變服藥時間，其實係因為今個月係想改變黎月經嘅日子，想了解一下呢個情況係咪已經解決左 ？
因為23號發現冇哂藥丸 即21粒冇哂 當時就開左新一盒食 到現在24/4 夜晚亦繼續有食 因為唔確定做法所以就繼續食 未開始7日停藥期， 所以還未來月經。 睇過說明書 如果食完一盒立即食新一盒 可以推遲月經 到想黎m既日子就可以停藥 想知道我現在係咪應該/可唔可以停藥7日 等月經來？ 想知道藥效仲有冇？ 7日後 係咪重新開一盒新？
多謝你詳細解釋
定係我要繼續食完呢一盒 直至下個月先黎m? Thank you
hello 你好啊 ，首先回應番停經嘅問題，見你都提到自己未嚟月經嘅話，有機會代表成功延遲經期後就需要停藥，俾經血排出，否則會持續流啡或者點狀出血。你都可以留意下身體會唔會出現相關情況。因為Sze 建議開新一盒嘅藥效最主要原因，因為之前唔喺有正確穩定方式嘅食藥嘅話，都有機會影響避孕藥嘅藥效。都建議可以食埋新一盒至停藥，因為如果食到中間停藥，可有機會擾亂經期，另一方面又需要使用安全套。
如果對呢一方面有更加多嘅疑問，都可以諮詢醫生嘅建議～