反完包皮之後問題

琴日反包皮沖涼後同沐浴露洗完龜頭之後就推唔返上去 冇勃時淨係可以上返以前包皮佔置既一半 推到最上就會自己落返嚟
但係完全冇cool實嗰種唔舒服 只係掂到底褲會有啲痛
亦都冇paraphimosis嗰種外貌
想問下應該點樣解決? Thanks

hello 你好啊 :smiling_face_with_three_hearts:,首先好欣賞你有主動洗包皮嘅習慣。 包皮嘅功能係保護龜頭、避免摩擦同減少細菌接觸尿道口嘅機會。正常情況下可以上下移動包皮,亦都可以露出龜頭。想了解下「龜頭之後就推唔返上去 冇勃時淨係可以上返以前包皮佔置既一半 推到最上就會自己落返嚟」以前有冇發生過?尋日到依家,龜頭外露喺咪都會持續地感受到痛? 因為上下移動包皮嘅時候,當用包皮套入龜頭嘅時候,有機會因為動作關係,令包皮會有機會產生褶痕,令包皮無法完全伸展 :pleading_face:。出現咗你所講包皮只能夠推到以前一半嘅位置。

特別要留意,出現嵌頓性包莖(Paraphimosis)狀況,即包皮翻開後,無法退回正常位置,係有機會出現緊急嘅情況,需要馬上求醫。其中一個狀況,係因包皮開口太細令龜頭血液或淋巴循環出現問題,令包皮及龜頭部位腫脹。呢種情況,如果超過24小時唔就醫,很可能會造成遠端處包皮水腫、缺血、甚至有壞死嘅可能性,到時如果已經出現包皮壞死性缺血情況,則可能就要即刻接受包皮環切手術

最後,都建議如果情況持續嘅話,都建議尋求醫生嘅意見~了解下會唔會喺其他身體生理因素導致以上嘅情況出現啊。