handjob性病問題

現在非常後悔,今晚喝了點酒,抵不住誘惑去了找一樓一 :cry:
上到去的時候已近深夜,她正在洗衫,雙手都有番梘泡
我告訴她我的底線是手淫
事前我在樓下買了手套讓她戴上 ( 我沒有戴 ),我一直有戴口罩,她沒有
她執開了一些衣服,然後幫我手淫
過程她有掂到我的臂部,我的臂部有些因乾燥輕微抓損了的傷口
完事之後她給我紙巾及濕紙巾清潔
交易就這樣結束

起初我覺得應該挺安全的,因為性教育告訴我handjob是safer sex,何況對方有戴手套
不過回來之後忍不住上網搜尋了一下,雖然資料明明與我所知的吻合,但越看越想就越心驚 :cry:
有以下疑惑,希望得到一些解答

  1. 她穿上手套的時候,有徒手觸碰到手套表面,之後未有消毒就幫我手淫,有風險嗎?( 我未有檢查清楚她的手有沒有warts之類,另外她之前亦接有摸過房內其他物件 e.g. 毛巾,床)

  2. 整個過程她都有穿衣服,我隔著衣服摸過她的胸部及後大腿,以及摸過房內的梳化。到完事清潔時,我的手有觸碰到我的下體,另外,她是除下了手套再遞紙巾給我的,我立即用這紙巾清潔下體,請問病毒有可能透過這些途徑傳播嗎?

  3. 我最擔心的是我臂部有微微的傷口。她雖然已經戴了手套,但如前所說,她有徒手觸碰到手套表面,之後她以戴手套的手,觸碰我臂部這些位置,這會否有風險 ?

Sorry 寫得好像太詳細,因為我實在很擔心 :cry:

唉,我現在是極之後悔。奉勸各位酒可以亂性、別以惡小而為之 :sob:
希望今次可以大步檻過

首先想同你解釋返,當高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血)先會有比較大機會可以造成性病傳播。所以你所講嘅性行為本身係好低風險嘅,尤其對方有用手套幫你手交。而且性病病毒離開咗宿主之後好快就會生存唔到,而性病病菌都好難喺物件嘅表面生存到,所以你所講嘅嗰啲接觸過嘅物件,都唔會有風險嘅。即使你臀部有輕微損傷,但你嘅傷口冇接觸到任何體液,一樣係唔會有性病感染風險嘅。而且雖然你話係受到酒精影響,但見到你都有盡力去提議同使用適當嘅保護措施(使用手套),其實你都已經盡咗努力去為自己嘅安全同健康負責,盡力減低風險,所以都唔需要太過擔心。 :relaxed:

如果你之前從來都無進行過性病測試,而你有過性經驗嘅,其實都會建議要定期去做測試。如果你真係好擔心嘅,不妨趁今次去咗一個全面嘅測試。社會衛生科有免費嘅測試,不過要等性行為後3個月「空窗期」後先會有相對準確嘅結果。而一啲私家診所會提供「空窗期」較短,較快出化驗報告嘅測試,你可以根據需要去了解下。
不過要提返你,因為唔同性病都有各自嘅「空窗期」同「潛伏期」,亦有好多性病係感染後係毫無病徵。即使測試結果真係陽性,都唔代表係因為今次嘅性接觸導致感染。但現時醫學昌明,大部分性病都可以透過藥物或者治療完全治癒,其他亦可以透過藥物去控制,並唔會對日常生活構成重大影響。 :blush:

你有呢啲擔心可能係因為受到社會文化中對於性工作者嘅歧視同污名化影響,將性工作者同「性病」/「污糟」呢啲負面標籤連結。但性工作者為咗工作同自己嘅身體健康,會更加注意安全,會主動要求要使用安全措施,亦會恆常地進行測試。反而係好多時候客人唔肯戴套,甚至喺性行為過程中除套,而令性工作者面對好高嘅風險。會唔會感染性病其實同性行為對象無關係,有好多人都係同自己嘅親密伴侶發生完性行為之後發現感染性病。會唔會導致性病傳播首先取決於你或者對象本身有冇受感染,其次係當你哋發生性行為嘅時候有冇正確地使用安全措施。如果有正確使用安全措施的話,即使你同感染者發生性行為,會導致傳播嘅風險都係非常之低。性工作都係工作,值得被尊重。勿以善小而不為。

希望你了解完之後,都可以明白我地嘅社會文化中對「性」嘅正面教育依然有好多不足,甚至係好負面嘅文化係日益增加緊人對「性」嘅污名。全面性教育正正就係可以令大家更加理性地認識性知識,亦去了解相關文化嘅每一面,再去做出適合自己嘅知情選擇。 :wink:

多謝你的解說
按照你的說法,如果沒理解錯的話,看來感染機會是極微、甚至是接近零機會?

現在回看之前的留言,確實覺得對性工者的說法有欠公允
尤其輕易用了善惡去做分界,實在是太過膚淺,以後會多加注意
謝謝你的提醒

係阿~ 你所講嘅情況感染性病嘅風險係極低嘅,所以唔需要太擔心阿:relaxed: 如果有任何關於性嘅疑問歡迎再揾我地:thought_balloon: