22/4嗰日女友用手幫我打，途中我有用下體隔住底褲頂佢但都冇好入，之後佢用手幫我打到射咗，用紙巾抹完隔咗大概3分鐘我再用手幫佢，驚手指有啲精喺度咁樣有咗嘅機率大唔大。補充返我只有用到第一節手指幫女友冇好入。呢兩日女友話有腰痛同想嘔雖然知唔會咁快有呢啲但都驚。求解答
如果情況好似你咁講，咁其實你地今次性接觸嘅懷孕風險係好低嘅，唔使擔心。陰莖喺受到刺激嘅時候會分泌透明嘅尿道球腺液，當中有機會有少量精子；不過如果有隔著衣物體外摩擦，其實懷孕風險係好低嘅。精子暴露喺空氣中好快就會死亡，因為精子生存需要媒介提供養份（精液同尿道球腺液當中嘅液體就係媒介），喺空氣中呢啲液體會揮發，或者如果接觸到衣物／抹乾咗嘅話，精子就會生存唔到，亦唔能夠移動到其他地方（例如進入陰道）。所以如果你幫女朋友指交之前抹乾淨咗手，又相隔咗幾分鐘，基本上都係冇咩風險嘅。 
而女朋友出現腰痛／想嘔呢啲情況，其實都有好多其他因素影響嘅，例如食錯嘢、休息得唔夠、荷爾蒙水平有變動（例如排卵或者接近經期）。如果情況持續或者嚴重咗，都要盡快睇下醫生呀。 
建議你地下次再發生性接觸，雙手接觸性器官之前要做好清潔，同埋可以考慮用指套，或者即使唔係陰莖陰道插入式嘅性行為，都可以用返安全套，咁就可以避免陰莖分泌物接觸到陰道口而有風險啦～關於安全套嘅用法可以參考：https://www.instagram.com/p/B4EX0FVFLUf/?utm_source=ig_web_copy_link ，而指套嘅資訊可以參考：https://www.instagram.com/p/B57ZtvGlckR/?utm_source=ig_web_copy_link 。 