(女)想問下有冇人天生下體毛髮較多

如題
我下體的毛髮好厚同都幾粗下 仲要好快長
一嚟唔方便打理 二嚟 月經時容易污糟
同埋想問下 陰毛多與少同 性慾有冇關係?
謝謝

hello 你好啊 :smiling_face_with_three_hearts:,首先好多謝你願意同我地分享喺身體上嘅煩惱 :raised_hands:。都了解下你喺未正值青春期?因為喺青春期期間,生理上性荷爾蒙分泌會增加,身體產生變化,例如陰毛開始生長、出現月經、乳房發育等等都喺正常嘅生理反應。所以,希望你明白到喺青春期當中,女性身體出現變化喺正常嘅~ 而陰毛都有保護陰部免受細菌感染的功能,但依然覺得陰毛太多嘅話,都可以嘗試進行脫毛,但需要留意清潔同衛生問題 :+1:

另外,見你提到陰毛數量比較多同粗,經期嘅時候難打理嘅問題,都建議可以嘗試使用月經杯,月經杯最多可以連續使用12小時 (視乎經血流量同月經杯款式)。咁樣就可以避免咗長時間使用傳統衛生巾,令到經血與衛生巾磨擦接觸,而造成衛生嘅問題~ :wink: :wink: :wink:

都想了解你有冇使用女性潔膚液嘅習慣?如果覺得氣味較大、擔心經期嘅時侯嘅衛生問題,都可以使用溫水,動作輕柔咁樣清洗外陰就可以。因為女性分泌物有酸性,係有一個自我保護機制,可以抑制細菌。如果仲喺好擔心嘅話,就可以使用女性清潔液。依家市面上都多咗好多標榜陰道清潔嘅產品,但喺使用呢d商品嘅時候,有機會產品當中含有嘅化學物質,例如起泡劑或者其他致敏嘅嘅香料,有機會造成反效果,令到原本唔敏感嘅地方都感到痕癢。

所以都提醒翻如果要使用女性清潔液嘅時候要留意以下幾點~

  1. 體外清潔使用,唔建議用嚟灌洗陰道
  2. 使用嘅份量唔而要太多,因為過度清潔都會導致刺激,破壞陰道嘅益菌生態,
  3. 留意成份,例如致敏源及香料等。
  4. 使用嘅時候,要留意陰道當中唔會唔出現傷口。如果出現傷口嘅話,就唔建議使用,因為會刺激到傷口。
  5. 留意產品嘅使用期限,避免使用過期產品。

最後,見你分享咗陰毛多與少同性慾嘅關係。坊間對性有唔少嘅迷思,其中一個就喺認為女性陰毛多,性慾就會比較大 :hushed:。但兩者並冇直接關係。陰毛多同少只喺生理反應 :laughing: