男 22 sex有幾個問題
- 未入之前好硬 一準備入就軟
- 有時搞搞下軟左硬唔返
3.自慰都會有時唔夠硬
唔係日日有晨勃
有咩方法改善解決
hello 你好啊 
，首先好多謝你願意同我地分享喺身體上嘅煩惱。同時都想了解多d你嘅依家嘅狀況～ 
- 喺做愛當中，心情會唔會特別緊張或焦慮？每次進性行為嘅時候，都會感受到好大壓力？
- 見你提到自己唔喺日日有晨勃，想了解下以往晨勃嘅頻率大概嘅情況喺點樣？
- 進行自慰期間，硬度不足嘅情況維持咗幾耐？由青春期開始就出現呢個情況，定喺近期至出現？刺激度相度上高唔高？會唔會依靠外來刺激，例如AV等唔同刺激嚟進行自慰？
陰莖嘅硬度會受唔同心理同生理因素影響：會因為心理壓力太大，令到陰莖無法達致足夠開始到性行為、或者喺一定時間中維持足夠嘅硬度。又或者因為生理原因而導致硬度不足嘅情況。自慰習慣都喺其中一個影響因素之一，自慰習慣依靠某一個刺激來源、習慣咗刺激某一個位置、又式者習慣某個程度嘅敏感度嘅話，都可以令陰莖喺做愛期間無法達致同一硬度。
再者，男性並唔喺每日都有晨勃為之正常，現階段建議可以檢視現時嘅生活模式先，例如睡眠習慣、壓力來源、自慰嘅習慣等等。如果呢幾方面，近來都有冇轉變既話，而呢個問題又真喺令你感到十分之擔憂嘅話，建議可以去睇睇家庭醫生，由家庭醫生轉介至泌尿外科醫生，或直接去睇泌尿外科嘅醫生 
，做番個檢查，了解身體出現咩狀況先～ 希望可以幫到你啦～
硬度問題都有1-2年，有時射戈陣都係半軟咁射，做愛時候都會緊張自己硬度唔夠而做唔到
就好似 @Claire_StickyRiceLove 咁講
都想知道你係咪淨係喺做愛嘅情況會硬度不足？定係自慰都會係咁嘅情況？ 
如果你係所有情況都係咁，其實都可以搵醫生幫你檢查下會唔會係因為荷爾蒙導致硬度不足嘅情況嘅。 
如果係因為太緊張而導致硬度不足嘅話，可以試下喺不經意嘅時間做愛，而唔係固定咗個時間去做，可能呢啲小小驚喜嘅位置，都會令到你放鬆啲冇咁緊張。 
或者轉換場景，例如平時係屋企做嘅，都可以試下去時鐘酒店，或者搵一間酒店staycation；都可以試下唔同嘅安全套、潤滑劑等等，唔同功能嘅安全套同潤滑劑都可能帶俾你有新嘅體驗；或者都可以加入新嘅元素，例如試下角色扮演，著下唔同服飾；甚至可以試下唔同形式嘅性，例如用下性玩具、情趣內衣。都可以試下搵次試下唔做插入式性行為，咁樣可以減少對於陰莖硬度嘅要求，試下雙方享受性呢樣嘢先，慢慢重拾係性裡面獲得嘅滿足同愉悅，話唔定問題就迎刃而解呢。 