事後丸係咪會搞亂之後經期?

上個月24號發生左唔安全嘅sex…
25號食左事後丸…
327~4月3號就黎左m

如果週期岩嘅話, 應該4月尾前會黎m…
但到而家都未黎…

中間係4月11,
同埋4月24 都用驗孕棒驗過無事…
咁係唔係即係無事架喇…

同埋 事後丸係咪會搞亂m 期?
唔該…

你好呀 @Dal :wave:t2: :wave:t2: :wave:t2:

都想知道你嘅事後丸有冇經過醫生嘅評估,了解咗你身體嘅情況在處方畀你㗎?因為事後丸喺香港嚟講都係一個處方嘅藥物嚟,需要醫生開畀你㗎。如果有醫生處方嘅話,都唔使特別擔心嘅,我見你都有喺性交後第二日都即刻去咗食事後丸,已經係指定嘅72小時或者120小時之內服用,藥效已經係身體裡面發生緊,唔洗擔心嘅。事後丸原理喺透過高劑量嘅人造荷爾蒙抑制排卵或干擾受精/著床過程,成效都有97% 至99%,所以都唔需要太擔心。 :smiling_face_with_three_hearts:

都想知道你所講嘅327~4月3號就黎左m係咪指3月27日至4月3日?果段時間會唔會都係你平時預計嚟月經嘅時間呀? 如果你食左事後丸之後兩日之後就已經嚟咗月經,基本上都冇懷孕架啦,因為你已經嚟咗月經,唔使擔心。但係因為你食咗事後丸,有機會影響到來經嘅日子提早或廷遲。你3月27號計月經可能係受到時候影嘅影響提早咗,所以之後就唔可以用呢個來月經嘅日子係好準確咁樣預測下一次來月經嘅日子。 :smiley:

同埋月經週期會受到好多嘢影響啦, 例如會唔會最近食緊藥、病咗、會唔會壓力好大、情緒會唔會好波動等等,其實都會影響月經週期嘅長短嘅。所以就算你冇試過有過性行為、冇食過事後丸,每個月嘅月經週期都有可能會唔同,基本上都唔需要太擔心嘅。
另外你11號同埋24號嗰次嘅驗孕已經係性行為後嘅11日,得出嚟嘅結果已經非常之可信㗎喇,都係知道上一個月24號性行為係冇懷孕嘅風險,唔使擔心。 :innocent:

唔該曬你, 放心好多了!

係3月27日至4月3日呀
我通常都係月尾黎,
所以都算係我平時預計嚟月經嘅時間…

所以4月呢一次可以再睇下點先?

都要再觀察下呀,好似之前咁講,因為事後丸會有機會影響到來經嘅日子提早或廷遲,不過都只係會影響一個月經週期,就係你3月27日至4月3日呢段時間就係俾事後丸影響嘅月經週期。你今個月呢次可以再觀察下先嘅,唔洗特別擔心架。如果仲係好擔心都可以再驗多次孕,結果係無懷孕就可以放鬆心情等月經嚟架啦。 :innocent:

都想同你講返,其實月經週期係每一次獨立計算嘅,可能每次月經週期嘅日子都會唔一樣嘅,我地只可以用以往嘅月經週期去大概推算,但唔一定百分百準確架。而且月經遲嚟都係一個好多人都會經歷嘅情況,唔洗特別擔心架。 :relaxed:

如果個兩次已經夠準確
應該無事嘅話 我就安心等黎m 啦…
謝謝你