咁樣有咗嘅機會大唔大

嗰日同女朋友無套頂左幾下但係冇入去利伸未破處唔知有冇啲前列腺液入咗去所以有少少驚

你好呀 @fish :wave:t2: :wave:t2:

都想知道你所講嘅同女朋友頂咗幾下係點樣架? :thinking:

雖然比起插入式性行為嘅話,性器官磨擦懷孕嘅風險相對上比較低嘅,但係因為性器官都有直接接觸,都唔可以話完全冇風險嘅。 :slightly_frowning_face:

不過如果係整幾下嘅情況底下唔小心龜頭入咗少少入去,就會好似你咁講會有少少尿道球腺液,姐係陰莖勃起時流出嘅透明液體,流入咗陰道,導致懷孕嘅風險,所以建議你下次無論做任何嘅性接觸,都要戴安全套呀,唔單止可以防止意外懷孕,仲可以預防性病添架。 :laughing:

另外,都想話你知,前列腺液係同精液一齊同體內射出,通常係白色,用嚟提供養分俾精子嘅,同上面講嘅尿道球腺液係唔一樣架。 :grin:

同埋都想同你講,其實平日俗稱嘅處女膜正確學名係陰道冠,佢並唔係完全密封嘅。女性一出世嘅時候呢塊結締組織上面就已經會有一定嘅開口,等分泌物同月經流出,所以原則上有冇「破處」都唔會影響懷孕嘅風險嘅,只要性器官有直接接觸到,或者分泌物有接觸到性器官嘅話,都係有懷孕嘅風險,因為精子都可以透過結締組織上面嘅開口進入陰道。 :sunglasses:

建議你喺性行為7日後驗孕得到個初步嘅結果,喺11日後驗孕結果就會更加準確。你可以驗完之後上嚟話番畀我哋聽個結果,我哋再睇下有啲咩嘅資訊可以提供畀你啦。 :smiling_face_with_three_hearts: