話就跟男朋友做的時候 口完後 戴套，發現戴反了 ，就用紙巾 刷了幾下 再重新載過 ，而家都重未來月經 我念會唔會係考DSE壓力問題，推遲左 好怕
套冇穿
你好呀 @Ckck 
如果戴反咗安全套嘅話，都係需要換過個，因為陰莖興奮嘅時候都會分泌透明液體，裡面會有少量嘅精子，當你戴反咗之後，安全套都會有可能沾上少量尿道球腺液，因此都會有風險嘅。 
雖然你都有用紙巾抹咗，但係都唔能夠確保能夠完全抹乾淨尿道球腺液嘅，而且係抹嘅過程仲有可能會整爛個安全套。所以下次如果真係戴反咗都要掉咗佢，換個新嘅安全套。 
你呢次相比起唔用安全套嘅懷孕風險雖然比較低啲，因為見你都有檢查過無穿到，但係都真係唔能夠確保啲尿道球腺液已經抹乾淨，都會有懷孕嘅風險架。 
建議你計返日子，係性行為7日後驗孕得到初步結果，11日後再驗就會得到比較準確同可信度比較高嘅結果，咁就唔洗擔驚受怕啦。 
的確，月經週期係會受好多因素，特別係你依家係考緊DSE嘅時候，焦慮、緊張、擔心等等嘅情況都會令月經提早或者延遲嘅，你都可以留意下會唔會因為考試呢排溫書溫得夜咗、胃口變得差咗、生活習慣會唔會有好大改變、睡眠嘅時間會唔會多咗或者少咗等等，呢啲都會影響月經週期嘅，唔洗擔心住架。 
DSE考試加油呀！ 
p.s: 如果覺得安全套負擔比較重嘅話，都可以去香港善導會拎免費嘅安全套架，地址係：油麻地上海街402-404號三樓（開放時間：星期一至五09:00-18:00），佢地最近出咗condom包，可以免費拎岡本嘅安全套，你都可以去佢地嘅IG瞭解多啲架，https://www.instagram.com/m3.toutou/?hl=zh-hk