如果有左點算

我17男朋友21 家計會唔會通知家長 好怕 重有咩方法
加上 好似過左2星期就冇得食藥 重有咩方法好怕吖 我重未來m 又子宮痛好怕有左 遲左一個月都有啦

Hello 見你4月29號有開另一個post問關於月經遲嚟嘅問題,Kaleo都有回覆你嘅:

「你呢次相比起唔用安全套嘅懷孕風險雖然比較低啲,因為見你都有檢查過無穿到,但係都真係唔能夠確保啲尿道球腺液已經抹乾淨,都會有懷孕嘅風險架。 :grin:

建議你計返日子,係性行為7日後驗孕得到初步結果,11日後再驗就會得到比較準確同可信度比較高嘅結果,咁就唔洗擔驚受怕啦。 :relaxed:

的確,月經週期係會受好多因素,特別係你依家係考緊DSE嘅時候,焦慮、緊張、擔心等等嘅情況都會令月經提早或者延遲嘅,你都可以留意下會唔會因為考試呢排溫書溫得夜咗、胃口變得差咗、生活習慣會唔會有好大改變、睡眠嘅時間會唔會多咗或者少咗等等,呢啲都會影響月經週期嘅,唔洗擔心住架。 :laughing:

其實總括而言,你嗰次性行為雖然有懷孕風險,但風險並唔係太高嘅。見你好擔心自己會唔會懷孕,與其估估下去驚同擔心,不如你自己去驗下孕。你首先要真係檢驗咗自己有冇懷孕先,我地先可以更加好咁幫助到你。如果而家月經已經遲咗成個月,其實驗孕都會有好準確嘅結果。建議你買枝電子版嘅驗孕棒進行驗孕,一嚟結果會相對更加準確;二嚟驗孕結果會有埋懷孕週數,如果你真係有懷孕嘅話,都可以令你了解到而家嘅懷孕狀況係點。可能見到驗孕結果,只係虛驚一場,你都會相對安心啲。如果你擔心驗孕結果唔準確,咁最多星期日進行多一次驗孕,如果結果一樣,就要相信個驗孕結果。 :blush:

如果驗孕結果係陰性嘅,證明你係冇懷孕嘅,咁你就要嘗試相信呢個驗孕結果。將你嘅精力擺返喺溫書同埋考DSE。 :wink:
其實正如Kaleo所解釋嘅,壓力係有好大機會影響月經週期嘅,同埋個影響可以好大。有啲人可能經常考試期都會好耐先嚟一次m。甚至有啲個案係喺比較緊張、情緒壓力好大嘅時段會成年都冇月經。你試下回想下,你之前有冇試過月經週期比較長?但最後都會冇事係咪?又或者換個角度去諗,月經期間會好容易唔舒服,如果完咗考試期先有月經可能不失為一件好事。希望你可以調整到心態,唔好再因為咁而擔憂。 :relaxed:
而如果你真係好擔心,同埋你希望見到月經出現先唔會擔憂嘅,你都可以去家計會嘅青少年保健中心去睇醫生,但醫生評估下你嘅身體狀況,睇下你需唔需要服用催經嘅藥物。
而見你有講子宮痛呢樣嘢,嚟m之前因為子宮充血係有機會出現子宮脹痛嘅狀況嘅,當然都仲有好多其他因素造成(例如消化問題導致腹痛、緊張等等)。如果情況持續甚至加劇嘅話,都建議盡快去睇下醫生。 :woman_health_worker:t2: :man_health_worker:t2:

而如果驗孕結果係陽性,你有懷孕,咁都唔需要太擔心,我地會一路陪住你,同埋有其他機構都會有支援服務嘅。 :sparkling_heart:
家計會係唔會喺當事人唔同意嘅情況下通知家長/監護人嘅。如果你真係懷孕而想進行終止懷孕嘅話,都要盡快打去家計會青少年保健中心預約返,因為佢地只會處理懷孕10週以內同埋本身冇其他健康狀況嘅個案。
如果你驗孕完發現結果係陽性你想了解多啲關於點樣處理意外懷孕嘅資訊,都好歡迎你再問我地。 :blush:

家計會青少年保健中心資料:

你可以打電話進行預約或者喺網站進行網上預約。

同埋想問返你所講嘅食藥係講緊食咩藥?係事後藥?定係終止懷孕嘅藥物? :face_with_monocle:
如果係講緊急避孕藥呢樣嘢,都想同你解釋返,緊急避孕藥要喺性行為後72小時或120小時內服用嘅,並唔係兩個星期嘅。
而用於終止懷孕嘅藥物就唔係過咗兩個星期就唔食得嘅。如果喺家計會,懷孕10週內都可以考慮使用藥物進行終止懷孕嘅。不過你都係要首先知道咗自己有冇懷孕,然後再考慮終止懷孕嘅方法嘅。

唔係晨尿驗左電子凖唔凖?結果係冇 但 我遲左半個月m

遲左十幾日先係 打錯左手

hello 你好啊 :smiling_face_with_three_hearts:

→ 有關驗孕

因為都留意到你嘅情況喺性行為過咗一段日子至進行驗孕,所以無論用唔用晨尿都好,使用驗孕棒都可以獲得準確可靠嘅結果。而使用晨尿嘅最大原因,喺因為晨尿比較濃縮,所以hCG水平都會比較高,更加容易檢測。喺進行性行為7 日或11日就可以得到測試結果。如果7日進行驗孕,就可以獲取初診結果;11日後之後,就可以獲取較準確嘅結果!但喺就你嘅情況嚟講,距離進行性行為之後都有一段日子,基本上身體都有一定程度嘅hCG水平,所以以往嘅驗孕結果都喺可信嘅。但喺如果真喺好擔心嘅話,都可再用晨尿進行多一次驗孕,如果結果真喺冇,都可以相信驗孕棒嘅結果。

另外為咗保險起言,都建議使用驗孕棒嘅時候,都要留意說明書嘅指示。因為某d牌子嘅驗孕棒都會注明喺未嚟經期嘅情況下,需唔需要用晨尿都檢驗~同埋都建議可以買兩個唔同牌子嘅驗孕棒嚟測試,如果兩支嘅結果都喺冇嘅話,說代表唔喺懷孕架啦~ 可以放心~

→ 有關月經嚟遲

就如同@ ching 同埋 @kaleo 之前嘅回覆,月經周期都嚟由好多內在同外在因素相互影響,心理因素、壓力、荷爾蒙變化、生病、服用藥物、生活作息有改變等等,都會影響到月經周期,所以就算月經遲咗十幾日,都有機會由其他因素影響,唔一定喺因為懷孕,所以都唔需要太擔心~ 如果真喺真喺好擔心,都可以去睇私家醫生檢查,今次遲嚟月經嘅原因。最後都想問下你以往來經至日子準唔準?如果唔準嘅話,都可以睇醫生了解下身體狀況~

希望幫到你啦~ :laughing: