Hi 我4.25+26 +28 +29 都有幫男朋友打飛機，有射（岩岩黎完m ) 之後洗手+洗手液+洒精.事後去廁所抹尿液吾小心掂到紙巾之後抹自己下面，不過已經洗過手，4.29嗰日打飛機前訓左男朋友上面，下面掂下面 不過有著衣服 ，4.30胃炎，食咗藥，期間突然之間分祕物持續幾日咖啡色黑色，今日5.3更有帶少血，聽講好似懷孕初期特徵 ，我先16咋 唔想咁就有bb 求你幫助我解答我 咁樣真係會有bb咩
Hello
你呢幾次嘅性接觸嘅懷孕風險都係好低微嘅，唔使擔心。 
精子離開咗身體暴露喺空氣中其實好快會死亡，因為精子需要媒介提供養份先生存到，而呢啲媒介就係精液同尿道球腺液（陰莖喺受到刺激嘅時候會分泌嘅透明液體，當中有機會含有少量精子），喺空氣中／接觸咗衣物之後呢啲液體會好快揮發乾咗，精子就唔會生存到，更加唔會由陰道口遊向子宮。再加上你接觸自己陰部之前已經洗咗手，精子係唔會再殘留喺你隻手到，而你所講嘅「下面掂下面」都因為你有衣物隔著，所以唔會有懷孕風險。 
而你所講嘅分泌物異常呢個症狀並唔係懷孕初期嘅特徵，可能係因為月經尾幾日仲有少量子宮內膜脫落，再加上你食咗藥（尤其腸胃發炎，醫生可能會俾消炎藥或者抗生素你食，呢啲藥會影響荷爾蒙），有機會影響咗經期狀況，所以有啲帶血嘅分泌物（咖啡色／啡黑色分泌物其實係有血嘅分泌物，血液氧化之後會變做啡色）。但如果情況持續，或者你之後留意到自己經常經期之間出現帶血分泌物，咁都建議你去睇下醫生，但醫生檢查下你有冇一啲病理性嘅原因導致出血，例如荷爾蒙分泌問題／子宮問題／子宮頸問題。如果有需要你可以去家計會嘅青少年保健中心睇醫生嘅，佢地嘅預約電話或者網上預約系統你可以喺網站見到：青少年保健 - 香港家庭計劃指導會
Hi 多謝你回覆 不過我吾知關唔關上次事 上次我黎M的時候之後打比賽 比人撞跌落地下 會唔會有影響 因為我幫男朋友打飛機後 有洗手 之後去廁所可能抹尿時候不小心掂到 咁樣都可以有bb咩？ 我好驚 我冇做任何插 或者摩擦下體 D精子點可以遊入去 因為 我排卵期一直都有咖啡色分泌物 今日突然之間有血不過好少 之後都冇血 呢啲係著床出血？我好驚 我冇嘔 記得排卵前腸胃炎 之後先有咖啡色 直到排卵期突然有血 腹少痛 我好驚 唔係咁都可以中呀？ 我都冇扑過
見到你好擔心呀，不過唔洗緊張，你無懷孕嘅風險。 
首先俾人撞到會影響月經週期嘅情況比較微，反而想知道你撞到嘅部位會唔會係下腹部或者附近位置，如果係可能會因為咁樣而導致一啲出血嘅狀況，建議你都係去搵醫生檢查清楚。
緊張嘅心情、最近情緒嘅波動、作息時間嘅改變、生活上嘅大變動、有無食緊藥等等，都有可能影響月經週期嘅。你都係係青春期嘅時間裡面啦，咁樣身體裡面荷爾蒙嘅改變都會令你嘅月經週期變得唔係咁穩定，同埋即使無發生過性行為，都可能係會有流啡嘅情況嘅，都唔洗咁擔心，同係咪懷孕都無關係嘅。同埋你食緊藥嘅時候，好似Ching_StickyRiceLove 咁講：
「再加上你食咗藥（尤其腸胃發炎，醫生可能會俾消炎藥或者抗生素你食，呢啲藥會影響荷爾蒙），有機會影響咗經期狀況，所以有啲帶血嘅分泌物（咖啡色／啡黑色分泌物其實係有血嘅分泌物，血液氧化之後會變做啡色）。」同埋藥物都可能影響月經週期令你有流啡嘅情況嘅。 
另外幫男朋友打飛機嘅情況，因為你係幫男朋友打完飛機之後你有洗手，其實啲精子已經死咗，好似Ching_StickyRiceLove 咁講：
「精子離開咗身體暴露喺空氣中其實好快會死亡，因為精子需要媒介提供養份先生存到，而呢啲媒介就係精液同尿道球腺液（陰莖喺受到刺激嘅時候會分泌嘅透明液體，當中有機會含有少量精子），喺空氣中／接觸咗衣物之後呢啲液體會好快揮發乾咗，精子就唔會生存到，更加唔會由陰道口遊向子宮。再加上你接觸自己陰部之前已經洗咗手，精子係唔會再殘留喺你隻手到」
你隻手已經無精子，再加埋你抹尿嘅時候係用紙巾抹嘅，退一步，就算依然有精子殘留，都會因為紙巾吸曬啲精液，所以唔會有懷孕嘅風險。 
另外流啡嘅情況，係月經前都有可能會有少少流啡嘅情況，暫時唔洗擔心嘅。你今日都有流血出嚟，可能都係月經嘅開始，只係第一日比較慢，可以繼續留意下先。 
如果你真係好擔心，可以係你預計嚟月經嘅時候去驗孕嘅，驗孕棒價錢都唔會好貴，大概$40~$60左右，去一啲個人護理產品嘅店鋪就可以買到，不過記得跟說明書上面嘅指示去做同埋係指定嘅時間內睇結果，過咗時間驗孕棒結果就無效架啦。不過都要訂立一個目標俾自己，例如驗幾多次就相信已經無懷孕。
雖然一啲網站或者應用程式都會有計算月經週期嘅方法，但係大多數都係用估計嘅方式去推算你嘅排卵期，如果真係想知道排卵期係幾時嘅話，係要係醫生嘅指示下每日使用排卵試紙去驗先會知嘅，所以網站或者應用程式都只可以用嚟參考而唔可以盡信。同埋你係青春期期間，月經週期會比較唔穩定，呢啲計算器會比較適合啲月經比較穩定嘅人士比較好啲。 
另外著床性出血嘅情況其實係好少見嘅，而且都需要受精卵係著床嘅時候先會出現嘅，姐係性行為後6-9日呢段時間，你可以計算下上次嘅情況過咗6-9日未，如果過咗就唔會係著床性出血架啦。
其實嘔都唔一定係懷孕先會出現嘅徵狀，所以唔可以用嚟判斷係咪懷孕嘅，好似你有腸胃炎咁，都有可能會有嘔嘅情況。有腸胃炎嘅情況建議你去睇下醫生先，身體要緊呀！ 
不過都真係唔洗擔心，你係無懷孕嘅風險嘅，因為精子係無接觸到卵子，而你地無做過插入陰道式嘅性行為懷孕嘅風險更加微，同埋你洗手都洗死曬啲精子，所以都唔會有精子可以接觸到卵子架啦。