食完事前四個鐘後嘔

我已經食咗yaz一個月多啲,喺4月23日夜晚8:45嘅時候食咗藥,但因為飲太多酒所以喺凌晨一點嘅時間將胃入面嘅嘢(除咗酒仲有十一點所食嘅嘢)全部嘔曬出嚟,而我之後有同男朋友進行咗兩次無套性行為並且内射,請問我粒藥有冇可能仲未消化完?如果仲未消化完,咁會唔會因為我嘔所以影響藥效而導致懷孕?

你好呀 @Vgvghvgy :wave:t2: :wave:t2:

都想知道你大概幾點開始飲酒呀? :thinking:

不過唔洗擔心嘅,你8:45pm食藥,去到凌晨1點先嘔,基本上都有足夠嘅時間俾藥物消化,只要你唔係食要後半個鐘內就嘔,藥物都可以正常吸收嘅。 :grin:

因為藥物有正常吸收,所以都唔洗擔心懷孕嘅情況,因為藥物已經係身體裡面發揮作用架啦。 :kissing_closed_eyes:

提提你,如果下次知道自己要飲酒,其實可以提早啲食避孕藥,等飲酒同食避孕藥嘅時間隔開啲,咁就唔洗擔心啦。 :wink:

大約凌晨十二點幾開始飲,飲咗冇幾耐就去咗嘔了

如果你已經食咗yaz一個幾月,中間冇漏食,同埋之前冇肚屙/嘔吐呢啲症狀嘅話,咁你嘅身體應該已經適應咗隻藥,建立咗穩定嘅避孕功效啦。而正如Kaleo所講,你今次食藥同飲酒之後嘔吐隔咗3個鐘左右,原則上係唔會影響嘅,因為距離你食藥已經過咗一段時間,粒藥應該已經被消化吸收咗。所以你嗰次嘅性行為風險都係好低嘅。 :blush:

雖然現時暫時未有研究顯示酒精會影響避孕藥嘅功效,但係避孕藥係會影響酒精嘅代謝嘅,所以有啲人可能平時飲酒冇事,但係服用緊避孕藥嘅時候就會比較容易對酒精敏感/飲完容易醉/飲酒之後嘅不適反應比較大。所以都會建議你如果下次要飲酒嘅話,要同食避孕藥隔開比較長啲嘅時間,同埋要再留意下自己酒量/飲完酒之後嘅反應,咁就可能可以避免飲酒嘔吐呢啲好唔舒服嘅感覺啦。 :relaxed: