還未來M,已經check過3次驗孕棒

我對上一次period day1係7/4
平時嘅cycle係25-28日
我同男朋友係15/4有性行為過(內射 :pensive: :upside_down_face:
我自己都有啲擔心

分別係26/4 1/5 5/5 驗過
都係negative 一條線
但係我正常2/5就會來M
今日6/5都仲係冇任何來m跡象
冇谷M
撇除壓力問題,同驗孕棒問題(用萬寧牌cheap cheap $21兩支)
我仲有冇左漏嘅地方? :pleading_face:

依家sem尾,自己同男朋友都有d經濟壓力
已經夠煩,想啲來M :sob: :sob:
係咪應該要催M?

你好呀 @carol1213 :wave:t2: :wave:t2:

都想知道你之前內射嘅時候有無用到安全套架?如果無用到安全套,無論係邊一日有性行為,性器官之間有直接接觸到,都會有懷孕嘅風險嘅。 :wink:

你三次驗孕都係喺性行為後11日,其實個結果已經好可信同準確架啦,唔洗擔心。但係無用安全措施,就唔係次次都一定會驗到無懷孕架,所以如果真係無計劃懷孕,就要用安全措施,減少意外懷孕嘅風險啦。 :grin:

只要你有喺啲個人護理產品嘅店鋪度購買啲有信譽嘅牌子,同埋正確按照說明書上面嘅指示做,仲有係指定嘅時間內睇結果,其實都準確嘅。不過如果你都係擔心嘅話,你可以買一支電子驗孕棒,準確度會比較高同埋會顯示懷孕週數嘅。 :laughing:

其實月經週期嘅計算方法係由月經嚟嘅第一日,到下一次月經嚟嘅前一日,亦你對上一次月經係4月7日嚟計,到5月6日都只係經過30日,比起你以往嘅月經週期25-28日,都係遲咗2-5日,其實都唔係差距好大嘅。 :relaxed:

除咗你所講嘅壓力,情緒嘅波動、處於擔心嘅情緒、作息改變、有啲大嘅轉變等等,都有可能影響月經週期嘅。好欣賞你有紀錄自己嘅月經週期,好清楚自己嚟月經嘅時間,只係佢今次遲咗少少嚟,不妨試下做啲自己鍾意做嘅嘢,慢慢靜候月經嘅到來啦。 :sunglasses:

暫時都唔洗特別話需要催經住嘅,通常以往都係遲咗比較多嘅時間,例如三個星期,先需要去檢查下,醫生先會開啲催經藥嘅。你嘅情況只係遲咗2-5日,係一個比較短嘅時間,醫生就未必會開到催經藥俾你啦。 :pleading_face:

如果你真係好擔心令你好困惑,都可以搵家計會或者普通嘅婦產科醫生檢查下嘅,睇下身體出現咩問題嘅。 :wink:

1個讚