Hello你地好～
我同男友之前都無性經驗，上個月岩岩大家第一次，到而家性生活都唔頻密，一至兩星期一次左右。
但我發現一個問題，就係男友每次戴套進入後，搞好耐都射唔出 
有時搞左半個鐘、九個字都出唔到，令我感到有D困擾，因為其實自己都想滿足佢，幫佢射到（我地無試過無套搞）因此好多時都係幫佢手淫完事。
男友話有機會係因為佢慣左平時手淫力度，性行為時就難D射。
想問有咩方法可以改善呢個情況 我同佢都無乜經驗，唔知道可以點樣做。
同埋另外一個問題係，平時自己白帶都偏黃少少，質地黏稠，無豆腐渣，下陰都無味無痕，想問咁係咪正常？有時性行為後床單都會見到黃色一撻漬，下陰無唔舒服，想問呢個情況係正常定都要去睇下醫生
唔該晒～
→ 射唔出嘅可能原因同解決方法
首先好多謝你同我地分享身體上嘅煩惱 
，見到你都好擔心男友嘅身體 
。 性行為出現唔同情況都會由唔同因素影響。見你提到你同男友嘅性生活都喺岩岩開始，都處於磨合期，所以都需要d時間俾大家去習慣大家 
。因為男友都習慣咗打飛機嘅時候嘅速度同埋敏感位置等等。都想問問男友習唔習慣載套之後至有性刺激？ 所以都建議男友可以載上安全套之後，再嘗試自慰，咁樣就可以習慣載上安全套嘅情況下，仍感受到性刺激嘅位置、敏感點、速度等等～
另外都有機會由心理因素影響，因為都見你提到男友嘅性經驗都唔多，所以有機會「用幾耐嘅時間射」令對方出現壓力，有機會擔心自己嘅性表現唔夠好。所以都建議你地可以大膽嘗試唔同嘅方法，例如嘗試唔同嘅引起性刺激嘅方式，例如唔同前戲嘅準備功夫，嘗試愛憮、dirty talk、去下唔同地方營造氣氛、一齊去睇唔同電影同影片等等。前戲可以令男女雙方都可以更加投入性行為當中，都可以增加依附感覺。另外，都可以嘗試一下性玩具同埋潤滑劑，探索男友有冇其他刺激同敏感地方，令到大家都可以獲取性快感～ 
→ 女性分泌物
最後，都見你提到喺性行為之後，出現多d同偏黃色嘅分泌物，但喺冇味冇痕冇痛，都冇出現豆腐渣嘅話，其實都唔需要太擔心嘅 ～因為女性喺性興奮嘅時候，排於分泌物都喺正常反應。因為分泌物都會受到荷爾蒙嘅影響，都有機會因為尿液mix埋一齊，出現黃色分泌物。當然如果之後出現咗其他情況，例如分泌物有氣味、陰道痕癢等等就需要睇下醫生。但現階段就唔需要擔心嘅～
希望可以幫到你啦～