我每次同老公做完個窿窿都會損咗流少少血！
唔知關唔關佢果到大，而我又窄嘅關係，所以每次一入就好痛，完事後仲要流血！
我應唔應該去睇下醫生好？
你好呀 @Kinki1223 
都想知道你啲血係喺陰道口由裡面流出嚟定係外陰有損傷呀？你可以用一塊細啲嘅鏡檢查下外陰，睇下有無破裂或者傷口。另外都想知道流出嘅血液有無混合一啲有顏色例如黃綠色嘅分泌物，或者有味道咁樣？ 
其實會流血都有好多因素影響嘅，如果好似你嘅狀況，可以試下下次性行為用啲潤滑劑，咁樣可以舒緩比較緊嘅狀態。因為如果陰莖比較粗，而陰道比較寨，好多時係無潤滑嘅情況底下插入摩擦力會比較大，咁樣就會比較容易受傷。用潤滑劑嘅好處就係減低呢種摩擦力，令抽插時發生撕裂嘅情況減少。 
至於點樣揀潤滑劑，你可以睇下我地嘅post
https://www.facebook.com/permalink.php?id=512473682199147&story_fbid=2749527965160363
除咗以上嘅情況，都有可能因為比較激烈嘅動作、姿勢、力度同角度等等令陰道受傷，呢個時候就需要慢慢嚟，用一個大家都比較舒服或者比較簡單嘅體位，試下會唔會減少流血嘅狀況。 
另外都可以係前戲方面嘗試多啲，剛樣可以令雙方都放鬆啲，始終陰道都係肌肉嚟，放鬆啲都有幫助架，可以睇下我地有關前戲嘅post架，
https://www.instagram.com/p/CGChhRvD9qc/ 前戲的準備工夫
https://www.instagram.com/p/CGpLUl2jJW-/ 前戲的材料
https://www.instagram.com/p/CG4m2vajk5v/ 前戲小迷思
另外如果流出嘅血液有混合到一啲有顏色嘅分泌物，或者有味道例如魚腥味嘅話，就有可能出現感染或者陰道炎嘅情況，建議你都係快啲去家計會嘅節育指導診所度檢查，直接係診所開放時間前往家計會任何一間診所見醫生，唔洗預約架。 