安全期同男朋友sex 係黎m嘅前4日 佢冇帶套插左入去 不過插之前冇任何液體漏出 同埋10幾秒就掹返出嚟 之後佢先有帶套 射個陣即刻掹返出嚟 但係睇網上啲人話安全期前7後7唔準 我好驚之後冇黎m同有左bb 我應唔應該食事後避孕丸？
你好呀 @Karaok 
無錯，安全期唔係一個科學嘅避孕方法，因為並非喺每一個月、每一次月經都係咁準確嘅，有好多外在同內在嘅因素會影響月經週期，例如情緒波動、荷爾蒙變化、生病、服用藥物、生活作息有改變等等，所以安全期只可以作為參考，並唔可以盡信。而且，要等月經出現我哋先至會知道上一個月經周期大概有幾長。再去大概計算排卵嘅日子，然後再去推算所謂嘅安全期或者危險期。所以其實喺月經未出現嘅時候，係唔能夠掌握到呢啲日子嘅準確性。
即時你地之後有戴返安全套，其實都會有懷孕嘅風險。因為陰莖勃起嘅時候，已經會有透明嘅尿道球腺液流出，裡面有機會會含有少量精子。而只要有一粒精子同卵子結合到，就有可能導致懷孕。
關於食事後丸，你可以係性行為72/120小時內經醫生處方服用。如果覺得有需要，你可以考慮去家計會見醫生～原則上緊急避孕服務係唔需要預約嘅，不過因為診所求診嘅人好多，都建議你打個電話去睇下個別診所今日預約嘅情況先，以免上到去已經滿額或者要等好耐。
好阿 thank you！
1個讚