想問下前列腺液同尿道球腺液係咪係之前冇射過嘅情況下係冇混合精子係入面？
因為上網睇係話如果有射過但係冇小便或者冇清洗先會混合咗精子？
你好 @yumiko1 
前列腺液係精液嘅一部份，所以前列腺液並唔會單獨射出。當有前列腺液出現嘅時候，基本上都係混合埋精子，以精液狀態射出體外。
而尿道球腺液係陰莖係興奮嘅時候流出嘅透明液體，裡面都會有機會有精子嘅。的確，本身呢種分泌物係唔含有精子，佢最後排出體外嘅時候所含嘅精子係來自前一次射精後殘留係尿道嘅精子。但唔代表之前無射過精就唔會有殘留嘅精子嘅，即使唔係自主地射精，夢遺嘅時候就已經令精子殘留係尿道裡面啦。另一方面，雖然可以經由小便沖走尿道裡面嘅精子，但即使有小便過，都未必能夠確保尿道內嘅精子已經全部被沖走。所以無打算懷孕嘅話，都係採取正確嘅安全措施會比較安全，例如安全套、事前避孕藥等等。
1個讚