主要想問下偏頭痛 其實我吾太明咩系偏頭痛
我上網搵 就話吾止系單邊痛 但系我問人地
佢地都話系單邊痛
因為我有時都會有單邊頭痛 系無端端會咁
然後我今日系第一日食避孕丸 食左冇耐
兩三個鐘到就開始單邊頭痛同頭暈
個陣我就系念系咪副作用 然後就念到好似偏頭痛系吾可以食避孕藥 我就好驚
到底我系咪本身就有偏頭痛吾食得 定系副作用
我系食娜迪 我上網搵娜迪既副作用個陣
又好似冇見到有頭痛 所以我就好亂
都見到個到寫住如果出現頭痛就停藥
我吾知個個系咪真既 因為我只系見到佢個到寫
娜迪副作用 都吾系咩官方既page
我訓訓下起左身去嘔 想問嘔系咪正常
聽人哋講娜迪劑量都比其他既大
我想換啲劑量少返啲既 但系我只系食左第一日
我念住吾再食 然後下個月再去家計會到換藥
hello 你好啊 
好多你信任我地分享咗身體上嘅煩惱～ 
→ 關於避孕藥嘅副作用
首先都想了解下少少背景資料先～了解下你之前有冇食過避孕藥？ 偏頭痛嘅狀況由幾時出現？服用其他藥物會唔會出現呢個情況？ 
回應番偏頭痛嘅定義呢個問題：偏頭痛喺屬於同血管、神經、腦內傳導物質都有關係的疼痛，尤其現在發現偏頭痛有一大半跟腦內傳導物質「CGRP」（抑鈣素基因—系胜肽）分泌過多有關。 所以頭痛同偏頭痛喺兩回事。而偏頭痛一旦發作嘅話，會感受到持續性嘅跳痛同重擊痛、發作嘅時間都會長達72小時，同時會帶有噁心、嘔吐、肚瀉、又或暫會覺得筋疲力竭、畏光等等。偏頭痛都未必會只喺單邊痛，而痛嘅程度都會比一段嘅頭痛更為嚴重，例如會痛到會嘔等等。所以倘若懷疑自己有偏頭痛嘅話，都建議番最好去諮詢醫生意見，更加了解下自己嘅身體情況～ 
因為對初次服用避孕藥嘅女性而言，出現不同程度上嘅副作用都喺好常見，當中頭痛、月經不規則或閉經、乳房脹痛、噁心、頭痛、頭暈、情緒轉變、輕微陰道出血、嘔吐、乳房脹痛同體重增加等等。但喺唔應該包括偏頭痛，正如你提到本身患有偏頭痛嘅人士喺唔應該服用避孕藥。
另外都見你提到出現嘔吐嘅情況，都建議可以諮詢本身配關藥醫生/診所嘅意見，可能喺呢款避孕藥嘅配方同劑量並唔適合你～同埋，都想了解嘔吐嘅時間距離食藥嘅時間喺幾耐？如果只喺隔咗2-3小時，都建議你向醫生諮詢番呢個情況。因為服用避孕藥之前2-3小時之段，出現嘔吐同腹瀉嘅話，因為藥物未被完全吸收，所以有機會影響藥效～ 所以都建議你向醫生提提呢一方面嘅情況～
→關於家計會
對初次服用避孕藥嘅女性，都建議服用之前需要見醫生先～因為唔同牌子嘅避孕丸嘅劑量唔同、都有分為混合避孕丸同單一避孕丸，當中服用方式都有所唔同。所以更加需要諮詢醫生意見後，經評估同了解身體嘅情況後，至決定服用邊款避孕藥。另外，長遠而言，身體都因為唔同因素，例如年齡、患病或習慣的改變而需要轉用其他較合適的避孕方法～ 以下喺家計會介紹口服避孕藥嘅相關資訊，希望可以幫到你啦～
參考資料：
我今次系第一次食避孕藥 都系系家計會到睇左醫生
我個陣系大概1430食 然後過左一陣就開始頭痛頭暈
而我平時都系無端端會單邊頭痛
但聽到你既講法都應該吾系偏頭痛
因為我平時經期都吾會頭痛
所以個陣就念系咪副作用
然後我系夜晚個陣有啲吾舒服所以訓吾著
又有少少頭暈 我大概00點訓 然後一直都feel到想嘔好暈既感覺 到左大概0230我就忍吾到去左嘔
嘔左少少 嘔完全身都冇咩力 但系都好吾舒服
然後到左大概0330又嘔多左次 今次嘔得比較多
個陣我就覺得呢款避孕藥可能劑量太高 我身體承受唔到 所以第二日 我就冇食到 念住下次經期
再去家計會睇下可吾可以換隻劑量低啲嘅
好多謝你既回覆！因為我都擔心左段時間！
我地而家暫時唔能夠判斷你嘅頭痛同埋嘔吐係因為避孕藥副作用定係其他原因，所以建議你下次月經嘅時候可以再去同醫生講返你嘅情況，睇下醫生會俾邊一款藥你。都想提返你，因為你已經停咗藥，身體已經冇避孕功效，所以如果再發生性行為嘅時候要記得用返安全套呀！ 
同埋想解釋多少少，其實初次服用避孕藥嘅時候，因為身體適應緊藥物中嘅人造荷爾蒙，所以係有機會出現副作用嘅。常見嘅副作用就正如Claire所講，有頭暈、作嘔作悶、輕微頭痛、胸部脹痛、情緒波動等等。而每個人身體情況唔同，出現副作用嘅種類／嚴重程度都唔同，身體適應咗藥物、建立咗穩定嘅藥效之後，呢啲副作用就會消退。而適應避孕藥所需要嘅時間都係因人而異嘅，通常係1－3個月就會適應，但有啲人可能要6個月左右先適應到，同埋有啲人可能要喺醫生嘅建議下試幾款藥先搵到最適合自己嘅藥。如果你下次再嘗試食新嘅藥嘅時候，如果副作用唔會太過嚴重，都建議你可以照每日服用，俾身體少少時間適應，唔需要太快放棄服用；但如果副作用相對比較嚴重，甚至出現呼吸困難、心跳加快呢啲症狀，咁就要停藥同埋盡快去睇下醫生。 
另外如果你本身喺家計會睇醫生攞藥，醫生有冇同你約期覆診睇下你食藥情況係點呀？你都可以考慮盡快打去家計會，講返你食完藥有好強副作用呢個情況，睇下有冇得盡快睇咗醫生先，幫你做多啲檢查，或者睇下你係咪真係適合用避孕藥呢一種避孕方式，為下一次食藥做好準備。 
