係咪已經可以放心?

事緣係自己同女朋友於3月22日做,無帶套,無插入無射到,只係掂到左十幾秒做停咗。佢喺3月25日就嚟經,不過見網上話即使懷孕都有機會出血,所以出於擔心就同佢買驗孕棒。第一次驗係完事嘅7日後嘅早上(非晨尿),第二次係14日後嘅晚上,第三次係大約二十幾日後嘅晨尿,全部陰性,不過都係屈臣氏買嘅平價野,會唔會唔準?
之後佢4月11-15日又嚟經,昨天5月16日又嚟。雖然知道嚟經代表無懷孕,但仍擔心係唔係合子著床而出血(不過女朋友反映呢幾次經期嘅血量同平時差唔多)。而目前為止佢都未有初期懷孕徵狀,例如味覺改變、多咗夜尿等,咁我係咪可以放心?
好擔心萬一過左10週出左乜嘢事返唔到轉頭.頭…

Hello

驗孕結果方面,通常性行為7日後驗孕會得到初步結果,而11日後驗完就會得到相對比較準確嘅結果。現時多數驗孕棒都有好高靈敏度(sensitivity)同埋特異性(specificity),除非包裝/說明書有特別指明,否則即使唔係用晨尿驗,結果都會有好高嘅準確性。而你地兩次驗孕結果都係陰性,已經可以好肯定女朋友係冇懷孕嘅。 :relaxed:
再加上3月、4月、5月女朋友都有月經出現,月經情況亦同平時差唔多,其實都已經可以好肯定係冇懷孕嘅。 :wink:

而懷孕有機會出現嘅「著床性出血」只係喺受精卵著床嘅時候會出現,出血量對比月經相對少,同埋唔會持續多日。而「初期懷孕症狀」呢樣嘢,其實你所講嘅好多症狀嘅出現都唔代表有懷孕,呢啲症狀可能由其他原因造成。反之亦然,如果懷孕唔代表一定會出現懷孕症狀,每個人嘅身體狀況唔同,有啲人懷孕會出現好多唔同嘅身體反應,而有啲人可能成個孕期都冇乜特別不適。所以我地唔可以單憑症狀去判斷。 :x:

見你都好擔心女朋友意外懷孕呢樣嘢,而呢件事好似都困擾咗你一段時間。會唔會有啲咩事發生咗令你特別擔憂?如果你唔介意嘅話,你都可以同我地傾,我地會盡力解答你嘅疑慮。
你可以嘗試下同女朋友溝通下,如果真係有意外懷孕你地會點樣處理?可能你地溝通完有共識之後,都可以令你覺得放鬆啲嘅。 :blush:

最後想提返你地,下次再發生性行為嘅時候記得要全程正確使用安全套,咁就可以更加安心啦。關於正確佩戴安全套嘅資訊,可以參考:https://www.instagram.com/p/B4EX0FVFLUf/?utm_source=ig_web_copy_link

多謝解答吖,另外想問下驗孕棒話可以係預計經期第一日開始用,咁係咪即係指唔可以以係嚟m之後嘅日子用呢?:thinking:

Hello
正如我地之前所解釋,卵子受精同埋受精卵著床需要大概6-9日,當受精卵喺子宮著床之後,人體會分泌hCG呢一種荷爾蒙,驗孕棒嘅作用就係去檢測身體中有冇hCG,從而檢驗有冇懷孕。所以喺發生性行為嘅7日後驗孕會得到初步結果,而11日後驗孕就會得到較為準確嘅結果。 :blush:因此如果「預計經期第一日」係喺發生性行為嘅7日之內,咁都未必會得到好準確嘅結果。

而之前都有解釋過,有月經嘅出現就證明咗:由上一次月經嘅第一日,去到呢一次月經出現嘅前一日,呢一個月經週期嘅期間係冇發生懷孕呢件事。即係話如果嚟咗m,就證明咗冇懷孕,所以唔需要再用驗孕棒去驗孕。 :wink: