上個月同男友搞過 但過左3日就嚟左m，但依家已經遲左6日仲未嚟，係咪有左？
hello 你好啊～ 首先如果性行為後出現月經，就代表無懷孕，所以你上一個月嗰次性行為係無懷孕嘅風險嘅，唔洗太擔心
見你提到今個月都遲咗嚟M，想了解更多背景資料先
想問問你同男友發生性行為嘅時候，有冇使用安全套？如果有，喺全程使用定喺中途使用？
又或者你都曾經使用過其他避孕措施例如服用事前/事後避孕藥、避孕針、避孕貼等等？
如果全程都有使用安全套嘅話，意外懷孕嘅可能性其實好微，安全套嘅成效喺完美使用下成效都有98%。但假設如果喺行進性行為嘅中途至使用安全套，咁就仍然有某程度上懷孕風險，因為陰莖性興奮時通常會流出透明黏稠液體，即喺俗稱嘅尿道球腺液（ Cowper’s fluid/pre-cum），當中有機會含有少量精子。 雖然比直接喺陰道內射精嘅數量少好多，但仍然有機會導致懷孕。但如果你本身有使用以上提及嘅避孕措施嘅話，喺正確使用嘅情況之下，意外懷孕嘅機會仍然低嘅～
另一邊，都見你提到上一個月進行性行為之後後3日有嚟m，但喺今個月就遲咗6日。都想你明白到月經週期喺受住好多外在同內在嘅因素影響，包括情緒、壓力、服用嘅藥物、荷爾蒙分泌、飲食、作息等等。再加上女性每一次來經都未必如同科學數字咗準確必喺28日週期，而喺由好多個因素影響。就算上一次來經嘅週期喺28日，都唔代表今次來經嘅週期喺28日嘅～所以就算來經嘅日子比以往遲，都有機會由多種因素影響而造成，並非因為意外懷孕。
→ 驗孕
如果你同男友依然好擔心，都可以嘗試進行驗孕。當中最普遍嘅驗孕方式喺使用驗孕棒，通常性行為7日後驗孕會得到初步結果，而11日後驗完就會得到相對比較準確嘅結果。如果你喺上一個月都發生性行為嘅話，都距離超過11日，驗孕結果都足夠可靠同準確。都建議你依照驗孕棒說明書嘅指示進行驗孕。當中說明書有機會建議你使用晨尿去檢驗，因為晨尿含有嘅hCG值濃度會係最高，亦會比較容易取得準確嘅驗孕結果。但如果說明書有寫明呢項步驟，就算唔使用晨尿，結果都會喺可信嘅～ 希望可以幫到你啦～
補充返 3月嗰陣食過1次事後丸，而上次嘅性行為係上個月（4月）有用套但穿左，過咗3日嚟左m，嚟完m就開始頭痛想嘔，過咗14日左右出左啡色分泌物大嘅5日係咪排卵期？直到依家嗰肚會一時時痛，但就係未嚟，所以有少少驚
麻煩晒
唔洗擔心嘅，雖然安全套穿咗，但係因為你三日後已經嚟咗月經，所以係無懷孕嘅，唔洗擔心。
同埋你三月食咗事後丸，四月已經嚟咗月經，所以事後丸嘅影響就唔會嚟到四月嘅。
至於嚟完m開始頭痛想嘔嘅情況，都想知道果排係咪有食緊咩藥物或者生活上好大壓力，因為頭痛有好多嘢可以導致嘅，而嘔嘅原因亦都可能係因為頭痛。
排卵日通常都係以嚟月經果日向前推大概14日，所以通常都係嚟咗月經先可以知道對上果次排卵日大概係幾時。所以你講嘅嚟月經後14日大概5日，都唔能夠係你無嚟月經嘅情況下知道。
流啡嘅情況有可能係嚟月經嘅徵狀，所以都唔洗太擔心嘅，可以觀察多幾日先。亦都可能係排卵期嘅荷爾蒙分泌唔通而導致嘅。
我地最近都出咗篇IG Post有關安全套點解會爛咗嘅原因：https://www.instagram.com/p/CM4ereiDmIl/?utm_medium=copy_link
你可以睇下會唔會係以上嘅原因導致安全套失效呀。
