黎m第一日搞

今日第一日黎m 血量冇之後嘅日子咁多所以搞左 然後我男朋友有帶套 有check到冇穿冇爛 同埋冇係入面射 想問下會唔會有左 平時黎m都算準 最多遲7日
同埋想問下如果冇帶套射入去啲精會唔會跟住啲血流返出黎 又有幾大風險會有左bb

補充返之前月經周期大約34-37日:bowing_woman:t2:

→ 意外懷孕嘅可能性
hello 你好啊~ 好感謝你願意信任我地分享咗身體上嘅煩惱。首先想回應翻帶套之後,只要確保安全套喺進行性行為嘅時候全程戴住,並且都見你提到都有檢查安全套冇穿冇爛,代表安全套能夠阻擋精子進入陰道,正確地使用安全套,意外懷孕嘅一可能性好微~ 唔需要擔心~

回應翻第二個問題,如果冇套射入嘅話,當然有一定程度上嘅風險。因為陰莖性興奮時通常會流出透明黏稠液體,即喺俗稱嘅尿道球腺液( Cowper’s fluid/pre-cum),當中有機會含有少量精子。 雖然比直接喺陰道內射精嘅數量少好多,但仍然有機會導致懷孕。想了解下你提到:「果冇帶套射入去啲精會唔會跟住啲血流返出黎 」,當中流出嘅意思喺射精後,精子排出體外?定喺使用其他方法令精子排出體外,從而減低懷孕嘅機會? 答案喺唔會嘅~無論喺月經期間,還是其他時段,只要內射嘅話,都有機會有一部份精子殘存喺體內,從而有機會受孕。所以如果你地本身冇計劃生育,都建議無論有冇月經都好,都希望每次性行為都使用安全套~咁就更加穩陣啦。

→ 驗孕
如果你依然好擔心都可以嘗試進行驗孕。當中最普遍嘅驗孕方式喺使用驗孕棒,通常性行為7日後驗孕會得到初步結果,而11日後驗完就會得到相對比較準確嘅結果。都建議你依照驗孕棒說明書嘅指示進行驗孕。當中說明書有機會建議你使用晨尿去檢驗,因為晨尿含有嘅hCG值濃度會係最高,亦會比較容易取得準確嘅驗孕結果。但如果說明書有寫明呢項步驟,就算唔使用晨尿,結果都會喺可信嘅~ 希望可以幫到你啦~