7號同男朋友做過，但係避孕套穿咗，嗰陣係冇射，不過男朋友話得好少分泌物，因為好驚所以等咗7日就用晨尿驗孕係顯示冇事，本來今日嚟M，但係到而家都仲未有，因為平時呢個時間已經有少少血，好驚會有咗
同埋如果今日驗孕唔用晨尿準唔準架？
Hello
發生性行為嘅時候如果安全套破裂的確係會有一定風險嘅。如果破裂嘅位置係安全套嘅末端，男朋友嘅分泌物（包括精液，同埋尿道球腺液，係陰莖受到刺激嘅時候會分泌嘅透明嘅分泌物）冇接觸到你嘅陰部嘅話，風險都會相對比較低。 
而驗孕方面，喺發生性行為嘅7日後驗孕會得到初步結果，而11日之後會得到相對準確嘅結果。現時市面上多數驗孕棒都有好高嘅靈敏度（sensitivity）同特異性（specificity），除非佢嘅包裝／說明書指明要用晨尿，否則即使唔係用晨尿，結果都會有好高準確性嘅。 
都想同你解釋返，月經係會受好多唔同因素影響嘅，例如荷爾蒙分泌、飲食、作息、壓力、藥物等等。所以每個人每次嘅月經週期嘅長度都可能會唔同，一啲手機app／日曆嘅紀錄只係一個大概嘅估算，係唔可以好準確咁話俾我地知究竟邊一日會嚟m。你呢排會唔會休息得比較少？或者好緊張？呢啲因素都會影響月經嘅。或者你試下回想下，你之前喺冇發生性行為嘅情況下，有冇試過月經週期比較長，遲過平時嚟？但最後月經都有出現嘅係咪？
如果你依然好擔心嘅，你可以聽日進行最後一次驗孕，如果結果都係陰性嘅，咁你就要嘗試相信呢個結果。試下放鬆下心情，月經會出現嘅！ 
而安全套穿咗可能有好多唔同原因導致嘅，例如戴嘅時候冇將儲精囊嘅空氣全部擠走，或者係因為潤滑不足，係摩擦當中安全套破損。你可以參考下呢個post，下次就可以減少安全套穿嘅風險啦～ 
https://www.instagram.com/p/CM4ereiDmIl/?utm_source=ig_web_copy_link
呢幾個月都係21號嚟M，尋日驗咗都係陰性，咁其實係咪姐係冇事？因為嗰日做係咁啱係危險期，所以未M到特別驚，可能係因為好驚好擔心搞到壓力大
同埋尋日突然有少少血，咁我以為係嚟M啦，但係之後又冇血，今朝又有少少血，但係又係未嚟
因為一般受精卵著床需要大概6-9天，所以性行為7日後驗孕，已經可以有初步驗孕結果 。而性行為11日後驗孕 ，驗孕結果已經會準確以及可靠嘅。
因此，如果係5月21日進行驗孕，距離性行為發生（5月7日）已經夠11日，驗孕過程亦有依足說明書指示的話，相信結果係準確及可靠嘅。陰性嘅結果反映該次性行為並無導致懷孕 咁就可以放心啦～
正如 @Ching_StickyRiceLove 所講，壓力過大亦係其中一個有機會導致月經來遲嘅因素。嘗試慢慢放鬆心情，都有助令之後月經週期變得穩定啊 
。
想了解一下前日出血嘅情況，大概血量有幾多？係好似來經時候嘅血量，還是比較似係血絲、流啡嘅情況？流啡的話有可能係來經前徵狀，所以都唔洗太擔心嘅，可以觀察多幾日先。亦都可能係排卵期嘅荷爾蒙分泌唔通而導致嘅。