月經超過一星期....

我5月頭黎完m,跟住5月7號男朋友唔小心忍唔住射咗入去。第二日已經拿拿聲食左事後丸,以為無事:sob:跟住22號突然黎m,之前未試過一個月黎兩次,仲要今日24號都仲黎緊,啲血都多。上網睇完好驚係宮外孕,但用驗孕棒check咗一次係negative。如果keep住未停m係咪要去醫院:sob::sob:

我今年21歲,一年內都食左三次事後丸:cry:會唔會係因為咁搞到子宮有咩問題

改返:係16號黎m到宜家

Hello
首先想同你解釋返,緊急避孕藥係通過高劑量嘅荷爾蒙去干擾卵子受精或者令受精卵唔可以著床,從而達致緊急避孕嘅效果。而其中一個相對常見嘅副作用就係影響月經,食完緊急避孕藥之後嘅1-2次月經有機會會受到影響,例如月經週期長度改變,月經相對於你平時嘅週期早咗或者遲咗出現;或者月經流血量/流血日數嘅改變。所以你都要有定心理準備,可能下一次嘅月經都會同平時未必一樣。再加上本身月經都好容易受到唔同因素影響,除咗藥物之外,仲有飲食、作息、壓力、荷爾蒙分泌等。所以每一次月經嘅週期長度、流血量同日數、經痛程度等嘅情況都可能會唔同嘅。
同埋都想了解返除咗緊急避孕藥之外,你喺呢段時間有冇食過其他藥物或者咩特別嘅保健品? :face_with_monocle:因為有啲藥物,例如抗生素、消炎藥或者某啲中藥嘅成份,都會影響月經嘅流血量同日數。

至於你擔心緊急避孕藥影響身體呢樣嘢,原則上只要唔係作為長期使用嘅避孕方法,係唔會對身體造成傷害嘅。但如果食得太過頻密都係會對身體造成負擔,同埋一個月經週期內唔可以食超過一次。但係如果好似你咁講,一年內已經食咗3次,都想了解返你大概每次之間隔咗幾耐?同埋你食之前有冇睇醫生?因為喺香港,緊急避孕藥要由醫生處方,同埋醫生要評估你嘅身體狀況睇下你係咪適合食。但如果你冇睇過醫生就自己買事後藥食,其實有機會對身體有損害,只係僥倖咁冇發生到。 :persevere:

同埋緊急避孕藥嘅避孕成效都比較高,尤其你係性行為嘅第二日已經服用咗,所以懷孕嘅機會都會好低,應該唔會係宮外孕。而你驗孕嘅日子距離發生性行為已經過咗11日,驗孕結果都係比較準確嘅。 :relaxed:

最後都想提返你,下次再發生性行為嘅時候要記得全程使用安全套,咁就可以更加安心啦。關於正確佩戴安全套嘅資訊,可以參考:
https://www.instagram.com/p/B4EX0FVFLUf/?utm_source=ig_web_copy_link
或者如果你同伴侶商議員有共識唔用安全套,而你地又檢查過冇性病嘅,你都可以考慮用荷爾蒙避孕法,避孕藥或者避孕針。避孕針要由醫生幫你注射;而第一次食避孕藥之前都要睇下醫生,評估下你嘅身體狀況係咪適合食避孕藥同埋適合邊一款避孕藥。現時家計會青少年保健中心/母嬰健康院/部分私家診所都有呢啲服務嘅,有需要就預約啦。

所以暫時建議你不妨聽日預約家計會青少年保健中心,檢查下你過去3次食緊急避孕藥有冇對身體造成傷害,同埋今次月經流血日子較多有冇其他原因導致。同時都可以詢問下醫生關於避孕藥或者避孕針呢啲避孕措施。青少年保健 - 香港家庭計劃指導會

有啊:cry:中間有食過抗生素。食左三次事後丸都隔左三個月以上,都係最近先知原來食得多有好大影響,唔會再食:confounded:我宜家比較擔心既係月經仲未停,量都算多,個人好虛弱咁。同埋家計會既保健檢查包括啲咩?因為我上個月已經做過一次子宮抹片

hello 你好啊 :smiling_face_with_three_hearts:。的確,如同@ching 所講,同時服用抗生素同緊急避孕藥,都會影響到月經出現唔同情況 :pleading_face:,就有可能出現你所提到出血量好多、經期廷長嘅情況發生。而家計會嘅檢查都唔單單喺子宮抹片,仲會提到唔同嘅保健服務:避孕指導、緊急避孕、戀愛同性輔導等等。同時都可以打電話去家計會了解下保健服務實際嘅內容喺咩。所以都建議你可以預約咗服務,同醫生做詳細檢查,睇下會唔會有其他避孕方式更為適合你~ 希望可以幫到你啦~ :raised_hands: