會唔會有左😭

男朋友打飛機然後唔小心射咗去外陰比較上嘅位嗰啲陰毛度 之後即刻用紙巾抹走佢 我琴日黎完m 會唔會有:sob:

你好呀 @Yie :wave:t2: :wave:t2:

唔洗擔心呀,你係無懷孕嘅風險架。 :relaxed:

因為男朋友只係射咗係陰毛上面,而且都有馬上用紙巾抹走,精液係冇接觸過陰道口附近,變相精子亦係無入到陰道裡面,唔會入到去子宮同卵子結合。而且你地都無陰道插入式嘅性行為,因此真係無懷孕嘅風險嘅,唔洗擔心。下次可以建議對方射精係距離陰部比較遠嘅地方,例如胸部、小腿、手臂等等,咁就可以進一步減低精液意外接觸到陰部嘅機會,自己都可以放心啲! :wink:

同埋黎完m之後個胸一直痛,同谷m差唔多 但正常黎完m個胸應該唔會再痛…下面又好似濕濕地咁…以往排卵期嗰排先會 我個經期大約33-37日都比較長…應該冇咁快會排卵.好擔心會唔會有左因為之前都有試過同男朋友搞(有帶套check左冇穿)

首先,如果整個性行為過程中,都有戴好安全套,而事後亦檢查過安全套係無穿的話,咁懷孕嘅風險係好微,無需太擔心 :blush: :wink:

乳房痛方面,想了解一下大概持續左幾耐?痛嘅感覺係點樣嘅?例如係脹痛,還是刺痛嘅感覺?因為有時如果身體荷爾蒙出現變化,都有機會出現乳房脹痛以及分泌物增多嘅情況,未必一定係由懷孕所引起 :relaxed:。最近身體有無經歷緊D咩狀況,令荷爾蒙有機會出現變化?例如生病有服過藥(特別係抗生素)、壓力過大、情緒有起伏、生活作息唔定時、飲食唔均衡等。

最後,如果乳房疼痛嘅感覺持續,甚至變得嚴重的話,到時都建議睇睇醫生,了解一下身體發生 / 經歷咩狀況啊 :blush: