其實係咪有咗?

我一直都有持續同埋穩定咁食避孕藥,每日食藥時間最多都係差一個鐘多啲,而喺今個月20號同25號嘅時候同男朋友發生咗幾次無套性行為並內射,而係今個星期一二三即係24 25 26號嘅時候都有超級少量嘅淺啡色分泌物,並且有少少平時嚟M嘅症狀,就好似腰痛、子宮痛咁,但都係幾下就已經唔痛,而我一個星期前先嚟完m,所以絕對冇可能係嚟M前嘅症狀,而且我前嗰幾個月食避孕藥嘅時候都未發生過咁嘅情況,所以到底會唔會係有咗,然後著床性出血?

Hello 請問可唔可以答下我:pray:t2::pray:t2:

Hello @Vgvghvgy :blush: :wave:t2: 一般如果都已經連續服用左好幾盒藥 ,並且過往都有持續、穩定咁按指示依時服藥 的話,咁無需太擔心 :wink:。因為只要你係有一直有按指示定時持續服藥,你嘅身體已經係會因為避孕藥藥效嘅緣故,而抑制左排卵 同埋令精子難以同卵子結合及著床 。抑制排卵後服用避孕藥期間亦唔會有「排卵日」 :wink:(一般需要停藥後第一個月經週期先會恢復排卵)。所以即使你今個月20號、26號有發生無套嘅性行為,身體亦會因為之前避孕藥所建立嘅藥效,而令受精卵難以著床 :relaxed:

另外,根據研究數據,第一年使用口服避孕藥嘅避孕成功率係99.7%(perfect use,完全正確使用),及91%(typical use,一般使用) 。如果依足說明書指引,每日都有定時服藥,其實意外懷孕嘅風險係好低,可以放心 :relaxed:

如果真係好擔心的話,都可以考慮性行為11日後進行驗孕。因為一般受精卵著床需要6-9日,所以性行為7日後驗孕,已經可以有初步驗孕結果,而性行為11日後驗孕,驗孕結果就會較準確及可靠 :grinning:

淺啡色分泌物方面,都想了解一下最近身體有無經歷咩嘅狀況,有機會影響體內嘅荷爾蒙分泌?例如最近生病有服過藥(特別係抗生素)、壓力過大、情緒有起伏、生活作息唔定時、飲食唔均衡等。

同埋都想了解一下避孕藥大概持續服用左幾耐?如果依家係處於服用避孕藥頭半年嘅時間,咁都有機會係因為避孕藥嘅一般初期(持續約3-6個月)副作用 -不規則陰道出血,而導致出現淺啡色嘅分泌物 :blush:

另外,出現淺啡色嘅分泌物,亦有機會係性行為過程中,摩擦而令陰道受損。始終陰道組織比較脆弱,性行為過程中,有機會陰道受到輕微擦傷。一般呢類情況有機會持續出血約1-2日。而子宮痛、腰痛等,有機會係因為性行為過程中較為激烈,而令性行為後出現少少疼痛嘅感覺。

現階段,可以先觀察一下分泌物、腰痛、子宮痛嘅情況有無持續,以及有無變得更嚴重。如果情況並無持續,咁都可以無需太擔心。不過,如果情況有持續 / 變得嚴重的話,建議去睇睇醫生,了解一下身體嘅狀況,自己亦會安心D啊 :relaxed:

我已經服用避孕藥咗五個月左右,最近因為學業問題,所以作息唔太定時,每日都係兩三點先瞓,而且都覺得學業壓力幾大,唔知關唔關事呢:pray:t2:

最近壓力過大、生活作息唔定時,確實有機會導致身體荷爾蒙出現變化而流啡 :relaxed: 如果問題無持續 / 變得嚴重,都無需太擔心啊~

好啊唔該晒你:pray:t2:

1個讚