黎m遲一日

我黎m遲左一日 上個月中有上過床用安全套都用得正確冇穿冇漏 但後來病左上星期先食完7日抗生素 應該黎m嗰日同前幾日都有微微m痛咁但都係無 今日叫遲左一日都有啲驚 有無人食完抗生素都會咁 :upside_down_face:

明明每次做足安全措施兩個都細心同小心 但我每次都會驚驚青青咁驚安全套完美使用下嗰2%失敗率 就黎m啲症狀同中獎嘅都似 所以成日都好鬼驚:roll_eyes:

你好 @acid :wave:t2: :wave:t2:

唔使擔心,你懷孕嘅風險係好低嘅。其實有好多因素都會影響到月經週期,例如生活習慣嘅改變、瞓得唔係咁好、情緒嘅波動,特別係你病過同食過抗生素,通常都係身體出現炎症或者比較複雜嘅病情先會食抗生素嘅,而抗生素係會影響荷爾蒙分泌,所以月經週期有改變都係正常嘅,唔洗擔心。 :relaxed:

見你都有話就嚟月經同埋懷孕嘅症狀都好似,其實都唔可以用症狀去分究竟係咪懷孕嘅,例如肚痛咁,有可能係懷孕、或者月經就嚟,但同一時間都可以係食錯嘢,所以好難用症狀去睇究竟發生咩事嘅。 :pleading_face:

如果真係想好科學咁知道自己有無懷孕嘅話,都可以係性行為後7日驗孕得到初步結果,11日後就會得到比較準確同埋可信嘅結果架啦。 :innocent: