我係咪有咗😭

對上一次經期係14/5,多數經期同排卵期都好準時(因為會feel到排卵痛)
22/5同男朋友發生咗性行為,但係最後發現安全套甩咗係入面,男朋友冇射,排卵期理應為28/5,嗰一日都唔係危險期入面,所以懷孕機率應該極低
但係呢幾日我開始胃痛,想嘔,上網睇人地又話係懷孕徵兆,我唔知係胃病定係真係有咗
我會唔會有咗㗎:sob::sob::sob:

你好呀 @blablabla :wave:t2::wave:t2::wave:t2:

都想知道安全套甩嘅時候係點樣架?係依然係陰道裡面,陰莖同陰道無直接接觸到?定係成個甩咗出嚟,陰莖有插入陰道呀?:thinking:

如果係前者,懷孕嘅風險都係好低嘅,因為陰莖同陰道無接觸到,暫時都唔洗太擔心。:relaxed:

如果係後者,你呢次性行為都有懷孕嘅風險,因為安全套甩咗而陰莖同陰道有直接接觸到,陰莖勃起嘅時候會流出透明嘅液體,嗰啲叫尿道球腺液,裏面會含有少量嘅精子,都會有導致懷孕嘅風險。:pleading_face:

你話喺月經周期當中感覺到有少少痛楚,但係嗰啲症狀可能會有好多嘅情況而引起,唔一定係排卵嘅,子宮收縮都係其中一份原因。同時我哋都唔可以用一個症狀去判斷自己有冇懷孕嘅。例如你講嘅胃痛同埋想嘔,懷孕可能會出現呢啲咁嘅情況,但係更多嘅情況都可能係因為腸胃炎、食錯野或者肚子有其他唔舒服,唔一定係懷孕嘅。:face_with_monocle:

月經週期嘅長短受到好多因素嘅影響,例如會唔會最近食緊藥、病咗、會唔會壓力好大、情緒會唔會好波動、有好擔心嘅情緒等等,都會有影響嘅。如果你月經係比較穩定嘅,網上嘅月經計算器或者App都會有啲參考價值嘅,但係一日未嚟月經都唔知自己月經週期嘅長短,所以都只可以參考,未必可以盡信架。 :relieved:

如果真係擔心嘅,都可以選擇一個比較科學啲嘅方法,就係用驗孕棒驗孕啦。你可以喺4/6去驗孕得到初步結果,8/6驗嘅話,就會比較準確同埋可信㗎啦。:wink:

另外都要同伴侶討論下今次安全套甩嘅原因,例如會唔會尺寸唔啱、潤滑度唔夠,避免下次再出現咁嘅情況呀。:smiling_face_with_three_hearts:

我地進行完性行為之後發現安全套成個唔見咗,跟住伸手入去先搵得翻,應該係成個甩咗係入面。但係當時仲係有少少經血嘅分泌物係個安全套上面㗎。

然後我地進行性行為之前見到有d透明嘅分泌物,我地抹走咗先開始發生性行為㗎。

咁樣係咪都會有可能有咗㗎:sob::sob::sob:

一般受精卵著床需要6-9日,所以性行為7日後驗孕,已經可以有初步驗孕結果,而性行為11日後驗孕,驗孕結果就會較準確及可靠 :relaxed:。 如果最近最後一次性行為係22/5發生的話,咁其實2/6(性行為11日後)或之後進行驗孕,已經可以得到準確以及可靠嘅驗孕結果 :wink:。 始終暫時未能確認性行為期間安全套甩嘅情況係點樣,所以都建議進行驗孕。

透明嘅分泌物,係咪指陰莖性興奮嘅時候,分泌出黎嘅透明液體 :grinning:? 如果係的話,分泌物其實係尿道球腺液,內含少量精子,有機會導致懷孕。 尿道球腺液暴露於空氣嘅過程中,其實幾分鐘內都已經會乾透 ,接觸皮膚嘅表面亦會加速分泌物乾透嘅速度,而尿道球腺液乾透嘅時候,內含嘅精子亦會同時失去活動能力。所以抹走之後,先發生性行為,再加上性行為過程中有使用安全套,本身呢個情況會導致懷孕嘅機會係好微。反而係好似 @Kaleo_StickyRiceLove 所講咁,性行為過程中,雖然最後無射精,但係陰莖有機會與過程中分泌出尿道球腺液,有機會於安全套甩嘅時候,令尿道球腺液直接接觸到陰道,咁就可能會有懷孕嘅風險啦 :blush: