急!食完事前避孕藥之後內射 但係兩個鐘之後嘔

今日係第二包藥 第二粒
今晚7:00食完藥之後內射左
但係9:00嗰陣時嘔
咁應該即時補返粒定係點
定係當冇食聽日食兩粒
好驚 唔知點算

Hello @Ffffff :blush::wave:t2: 見你已經服用緊第二包避孕藥,如果之前都有持續依足說明書指示,定時服用避孕藥的話,咁避孕藥嘅藥效已經於身體內建立左,暫時嘅情況導致意外懷孕嘅風險係好微,無需太擔心住 :relaxed:

想了解一下依家仲有無唔舒服嘅感覺? 如果依家依然都係唔太舒服,其實都唔太建議即時補食藥物,始終補食後有機會再嘔。

嘔吐嘅原因,能夠推測到係因為咩原因引起嗎? :pleading_face: 例如食錯嘢、食完晚飯後進行太激烈嘅性行為,令胃部不適等。以及服用避孕藥後嘔吐,呢個情況之前有無在上一個服藥週期發生過?

如果服用避孕藥後嘔吐嘅情況,之前都發生過,咁都有機會係呢款避孕藥未必適合你嘅體質,建議去家計會 / 婦科診所諮詢一下醫生嘅意見,有無需要轉服其他牌子 / 款式嘅避孕藥 :wink:

今次嘅情況,因為係服藥後2小時內嘔吐,確實未能肯定身體係咪已經完全消化到粒避孕藥。一般服藥後4小時內嘔吐,我地都會建議補食藥。因為藥物有可能因為未完全消化及吸收曬,而經嘔吐排出體外,因而影響藥效 :pill:。補食後亦建議儘快諮詢醫生嘅意見。 不過建議先閱讀避孕藥說明書嘅指引,有無特別指明服藥後嘔吐的話,咩情況下需要補食藥。如果有的話,可以跟番依照說明書嘅指引處理 :relaxed:

如果說明書指引,表示呢個情況都需要補食藥,而剛才嘔吐嘅情況唔係太激烈,依家身體情況都並無大礙的話,可以選擇依家補食番粒藥。不過如果依家呢一刻都唔太肯定,一陣會唔會再嘔,咁建議睇番盒內說明書,最遲幾多個小時內需要補食。例如如果說明書表示最遲12小時內補食,就可能依家早一點休息,聽朝設定鬧鐘起身。到時睇下身體狀況如何,如果已經再無舒服,就可以補食番粒藥,以及未來7日內需額外使用阻隔式避孕工具(例如安全套)

不過如果聽朝依然係好唔舒服,就建議唔好補食藥住,盡快去睇睇醫生,了解身體嘅狀況先 。因為有部分藥物未必適合與避孕藥同時服用,睇醫生嘅過程中,記得同醫生講番服用避孕藥嘅情況(例如服用邊一個牌子及款式的避孕藥,服用左幾耐等),睇下醫生嘅建議係如何 :relaxed: