做愛時用安全套,中間好想射既時候忍左,咇左dd

我同女朋友一齊每個月都做平均6次愛
一路都有用安全套,每次都做好多重安全措施,戴套前用皂液洗手,戴套戴到最落,射完用手禁住先拔出黎,再掂女朋友之前再洗多次手等等。。。
咁樣keep 左三年都無事,感謝主。

但今次我有d 驚,係插緊果陣我好想射,不過忍住左
感覺好似咇左dd 出黎,轉pose 果陣見到好似無射,但女朋友d 白帶遮住哂唔太睇得清楚。
咁就繼續插,無好明顯地軟到,軟左少少少少但都係硬既,轉多兩個pose 之後,就射左。

即刻禁實拔出黎,睇返都係硬既,無甩,個環仲係最底,得d 白帶痴左係尾部同d 毛到,同以前一樣。

不過我驚中間咇左少少出黎果d 如果係精液既話會慢慢滲出個套外面搞到有意外。。。。

想問下咁樣會唔會有機會出事

我太驚拍埋片去睇返,真係仲係硬同個環係底部
不過好多白帶,驚係精(雖然以前都係做完愛有好多白帶係我陰莖到),係今次中間咇左少少有d 驚

感謝解答!

推推🥲

有無糖不甩人員大大可以答下我
好驚:cry::man_facepalming:t2:

Hello 好欣賞你同伴侶好堅持咁使用安全措施。
安全套喺一般使用(typical use)嘅情況下嘅避孕成功率係82%,喺完美使用(perfect use)嘅情況下嘅避孕成功率係98%。而只要性行為全程正確使用安全套(關於正確使用安全套嘅資訊,可以參考:https://www.instagram.com/p/B4EX0FVFLUf/?utm_source=ig_web_copy_link),而且冇發生一啲影響安全套功效嘅事,例如儲存不當/開包裝嘅時候令安全套破損/因為潤滑不足摩擦導致安全套破裂/冇擠走儲精囊入邊嘅空氣/尺寸唔啱等等(更多影響因素可以參考:https://www.instagram.com/p/CM4ereiDmIl/?utm_source=ig_web_copy_link)其實安全套嘅避孕功效係好高嘅。而本身安全套出廠之前都會經過質量檢測,如果安全套冇破損、有擠走儲精囊入邊嘅空氣、冇中途脫落同埋尺寸啱嘅情況下,你所講嘅精液「慢慢滲出個套外面」係唔會發生嘅。總括嚟講,你今次性行為嘅懷孕風險係好低微㗎,唔使擔心。 :blush:

同埋都想同你解釋返,「白帶」其實係平時子宮頸/陰道分泌嘅半透明至白色或者偏黃色嘅分泌物;而你見到嘅安全套底部白色嘅液體,其實主要係陰道同巴氏腺喺受到刺激嘅時候分泌嘅透明嘅有潤滑功效嘅分泌物,變咗白色係因為磨擦(類似拂蛋白咁),所以我地通常唔會叫呢啲分泌物做「白帶」。

見你都好擔心安全套嘅避孕功效唔夠,你都可以同伴侶商量下,睇下佢會唔會想用其他避孕方法,例如荷爾蒙避孕法,包括避孕針同埋避孕藥,呢兩個方法喺正確使用嘅情況下都有99%嘅避孕成功率。避孕針要由醫生評估身體狀況適合使用後進行注射;而避孕藥雖然比較容易買到,但係都建議第一次食之前要見下醫生,睇下身體係咪適合服用同埋適合服用邊款藥。如果有需要嘅話,可以預約家計會診所/母嬰健康院/部分私家診所睇醫生。而同安全套唔同嘅係,避孕藥係唔可以阻隔性病傳播或者其他感染(例如念珠菌等細菌感染),你地如果決定用荷爾蒙避孕法,其實都可以配合埋安全套一齊使用㗎。 :wink:

同埋想問下「太驚拍埋片去睇返」係講緊你地性行為嘅時候有拍片?其實只要係你地雙方都同意同埋有共識嘅情況之下拍片係冇問題嘅,不過想提返你地要小心保管條片,避免意外發出;同埋都可以同伴侶商議清楚,之後想點樣處置條片,做好共識呀。 :relaxed:

謝謝你用心解答呀🥲🥲
個心都定d,同埋知多左野
補充返條片係完事之後自己影返個condom同埋完事後自己細佬既情況,for 之後自己睇清楚有無野漏係出面/有無穿🥲

唔係糖不甩成員,但好似聽講啲人驚滲出

唔好意思,未打完send左出去 :see_no_evil:
啲人好似建議完事後用水沖入condom到睇下有冇水漏出嚟就知個套有冇做嗰陣穿左~

如果射精後除出安全套而冇精液漏出嘅情況嘅話,其實都可以嘅。不過有人都會事後用注水測試睇下安全套有冇一啲肉眼見唔到嘅破損,所以你地都可以考慮咁做嘅。如果發現有破損嘅話,就可以考慮盡快去進行緊急避孕啦。 :blush: