你好呀 我今年23歲
而家同女朋友一齊左5個月 大家都俾左第一次對方 但我每次都唔夠硬入去 同好快軟 睇左一次家計會 開左偉哥我食 就夠硬入 但就無feel想射 成日最後要用手解決 但我唔想長遠食偉哥 唔想依賴
女朋友亦因為禁樣唔開心 我就好驚大家既關係會差落去 我都有心無力
我有考慮會唔會係自己以前自慰習慣唔好 可能太快太用力（有5-6年習慣用手自慰） 習慣快硬快射 令到大腦習慣左
希望你可以幫幫我 謝謝
hello 你好啊 
，首先好感謝你信任我地，同我地分享有關身體上嘅煩惱 
，都感受到呢個問題對你同伴侶嘅親密關係嘅影響 。首先，都想了解當初睇家計會嘅時候，醫生有冇做過相關嘅檢查？又或者發現出現問題嘅成因喺因為生理因素？如果喺發現到生理因素的話，都可以循呢個方向進行相關嘅治療。
的確，以往嘅自慰習慣，都有機會影響到做愛時候嘅表現。都想了解下同女朋友做愛嘅時候，有冇使用安全套？同埋有冇前戲嘅習慣？因為如果做愛嘅時候使用安全套，都有機會影響到陰莖嘅敏感度。再加上自己自慰嘅時候，身體已經適應咗刺激陰莖嘅地方、又或者刺激嘅方法。令到同女朋友性交嘅時候，同自慰嘅表現會有所唔同。
所以都建議如果做愛嘅時候有使用安全套習慣，都可以試下戴安全套自慰。咁樣做的確可以幫助陰莖適應隔住個套刺激嘅感覺。依家市面上嘅安全套都有唔同嘅選擇，例如「超薄」、「貼身」等等。都可以嘗試唔同嘅安全套款式會唔會有幫助～另外，可以試下唔同嘅刺激方式，廷長性興奮嘅感覺，例如嘗試使用性玩具、愛撫又或者dirty talk 等等。透過前戲同唔同刺激性興奮嘅來源，令到陰莖可以受到唔同嘅刺激，更加可以令雙方更為享受性愛。
另外，除咗技巧上可以改善之外，都有機會喺心理因素影響。俾自己壓力大，又或者每次做愛/自慰嘅時候，不期然回想到唔滿意嘅經歷，都有機會影響性表現 。所以無論喺自慰又或者喺做愛之前，都建議你整一下個人嘅情緒及狀態。例如可以先放鬆一下心情、調低一下燈光、播放自己鍾意嘅音樂或者影片、先慢慢撫摸自己其他身體嘅部分等，幫助自己進入狀態。
希望可以幫到你啦～ 