請問咁樣要食事後藥嗎?

今年4月頭開始有食避孕藥,諗住試下有冇副作用先,一直都好準時除左有一次遲左1個鐘。

到依加就食緊第3盒。28/5開第一粒藥食(月經第五日),3/5聽唔到鬧鐘搞到遲左成兩個鐘到先食,一發現已經即刻補食翻。今日6/6第一次同男朋友進行性行為,冇戴套,大家諗住抽插下就算,但點知有一刻男朋友感覺到有前列腺液出左黎,然後佢即刻抽走,之後佢都冇再插入。

原本諗住雖然前幾日有日漏左兩個鐘有即時補食,但之前一路都有好定時食避孕藥應該冇嘢,不過諗諗吓都有少少怕會唔會咁就中左。求解答:cry:

以後都唔敢冇套就做:woman_facepalming:

唔好意思,原來打錯左,應該係3/6,唔係3/5​:see_no_evil:

hello你好啊 :smiling_face_with_three_hearts:,首先好欣賞你地未有計劃懷孕嘅情況下有做到懷孕措施嘅習慣 :raised_hands:。**如果你食緊第三盒避孕藥,相信避孕藥嘅身體都建立咗一定程度上嘅藥效,身體已經適應咗藥效,所以遲食2個鐘唔會造成影響。**之前長期持續定時食避孕藥嘅習慣,相信懷孕嘅機會其實好微。另外,都想了解你食開嘅避孕藥嘅牌孕喺咩?因為依家市面上大部份嘅事前避孕藥都喺屬於混合荷爾蒙,服食啲時間比較彈性(相對於單一荷爾蒙),補食時限都喺16-24小時, 所以遲1-2小時,都唔會有太大影響。

服用事前避孕藥嘅原理喺透過人造荷爾蒙抑制卵巢排卵,令子宮內膜產生變化,使受精卵無法著床,同埋增加子宮頸分泌物嘅黏稠度,令精子難於穿過黏液,進入子宮腔內,所以喺持續同埋定時服用嘅情況下,成效係非常高嘅~唔需要太擔心 :smiling_face_with_three_hearts:

好多謝你咁夜仲答我:pleading_face: 解答好詳細感謝你^^ 由晏晝擔心到依加,終於可以放心啲,以後都會小心謹慎啲:see_no_evil:

我係食開「安意避」呢隻牌子,係去青少年保健中心到買嘅~ 因為我去中心有問過姑娘,佢話最好唔好遲過一個鐘食藥,唔係嘅話都會有啲危險,所以我就好擔心前兩日失誤遲食左兩個鐘會令到個避孕效果低好多:see_no_evil: