由插入嗰一刻全程都戴住安全套
想射嘅時侯除套條j抆設出嚟 外射落陰蒂或者小陰唇位置度 咁會唔會有懷孕嘅風險 有嘅話係點解呢
hello 你好啊~ 如果外射,射喺近陰部嘅位置,都會有一定程度上嘅懷孕風險。因為精液有機會流入陰部裡面。如果有正確使用安全套(正確載上安全套;做愛嘅時候全程使用),都唔需要喺射精嘅時候抽出。反而直接抽出陰莖,而又冇按實安全套嘅底部嘅話,令安全套裡面嘅分泌物意外流咗出嚟,增加意外懷孕嘅風險。就有機會出現你提到嘅精液意外射入陰蒂同小陰唇嘅位置。另外,就算未射精,陰莖喺性興奮嘅時候都會流出尿道球腺液,當中又會含有少量精子。意外接觸到伴侶嘅陰道,就可能令大家都擔心意外懷孕
。
之前我地機構都有分享10個令安全套失效嘅原因,當中都有提過相關安全套嘅使用上小貼士~你都可以去參考下~ 希望可以幫到你啦~