避孕藥停藥

岩岩開始食左5日好辛苦,咩副作用都有,食之前冇睇過醫生,如果依家停藥得唔得?定一定要食晒一盒先停得?

→ 諮詢醫生意見

hello 你好啊~ :smiling_face_with_three_hearts: **首先想提醒第一次服用事前避孕藥之前,可以去諮詢醫生嘅意見先。**因為每款避孕藥當中嘅荷爾蒙同劑量都有唔同,同時唔喺每個人都適合服用避孕藥(例如有心臟/肝功能/免疫系統問題)。所以可以喺服用第一次服用之前,由醫生評估身體狀況,再決定服用邊款事前避孕藥就會更加可靠。建議可以去家計會又或者私家診所見醫生攞藥。 另外,服用一段時間後,即使身體冇乜特別反應,我地都建議每年去見一次醫生,睇下仲適唔適合繼續食呢款藥。

→ 事前避孕藥嘅副作用

服用事前避孕藥出現副作用,其實都喺常見嘅反應,因為藥物需要時間喺身體建立藥效,身體都需要時間適應。平均嚟講,需要1-3個月時間適應藥效。但因為每個人身體狀況不一,如果出現嚴重嘅副作用反應,都需要同醫生溝通,商量會唔會轉藥,嘗試另一款避孕藥。

依照你分享嘅情況,事前冇睇過醫生,又出現咗比較難負擔嘅副作用反應,所以都係建議盡快諮詢下醫生建議 :pleading_face:。**因為自行停藥的話,有機會影響荷爾蒙分泌。**另外,停咗藥之後就唔會有避孕功效,所以都想提提你如果喺停藥期間進行性行為,就需要嘗試其他嘅安全措施,例如安全套等等。身體都會受到荷爾蒙影響,下次經期未必會準時嚟,所以不能再用以往嘅月經週期去預計下次嚟經日子。希望可以幫到你啦。 :smiling_face_with_three_hearts: