有冇機會係有左

我係5/15-5/20經期,期中第一次食過第一次避孕藥,都係睇過醫生先食既。然後係5/25同6/2有性行為,系有用安全套。但系我係5/25之後一直都有作嘔同成日頭暈,因為知道吾會咁快就有徵兆,所以都無擔心。但系一直到呢家都成日作嘔同頭暈仲有肚屙,食量又少左好多,不過又吾會無胃口。但系我驚會系心理作用搞到自己有呢啲症狀,所以都已經吾系成日念,但系呢排真系好吾舒服。

有見過人話避孕藥食得短時間就停藥都會亂經,但系我又念我只系食左一日就停應該吾會有事,但系我驚啲副作用,因為我個陣食左第一日就即刻頭痛頭暈同作嘔,然後凌晨就嘔左兩次。

你好 @bigbb :wave:t2: :wave:t2:

首先如果你有全程使用安全套,懷孕嘅風險係好低嘅,暫時都唔使擔心住。 :relaxed:

我諗你比較擔心嘅都係食完一次避孕藥之後,都keep住有度嘔同頭暈仲有肚屙嘅情況。事前避孕藥都係一種荷爾蒙嘅藥物嚟,每個人對於荷爾蒙藥物嘅反應都唔一樣。見你都好醒目,睇過醫生先至去食藥,咁可能就要搵番開藥畀你嗰個醫生,睇下會唔會係呢隻唔太啱你食。放心,呢個都係一個好正常嘅情況嚟嘅,因為其實有啲人都需要試幾隻避孕藥,先至可以試到一隻適合自己嘅,唔係個個一食避孕藥就即刻知道邊隻適合自己身體。 :relaxed:

同埋正常嚟講,事前避孕藥係食7日先會係身體裡面建立藥效,你只係食咗一日嘅話,對月經都唔會有咩大影響嘅。不過你可以諗吓最近有無發生咗其他狀況導致你有嘔同頭暈仲有肚屙嘅情況,因為正常嚟講,如果你食完藥之後有副作用,都只係比較短暫嘅情況,但係你持續一個月嘅話,就真係要搵醫生睇下發生咩事啦。 :wink:

如果真係好擔心自己會懷孕嘅話, 可以喺聽日(6月10日)用驗孕棒驗孕,就會知道6月2日果次性行為嘅初步結果,同時亦都可以得出5月25日比較可信嘅驗孕結果。你可以再係6月13日驗多一次,就會知道6月2日果次比較可信嘅結果架啦。 :smiling_face_with_three_hearts:

好的 感謝你既回覆:pray:t2:
今朝都驗過一次系negative都安心左好多
我都會去睇下醫生睇下會吾會食藥會好啲