遲左黎m!!!!

Hi! 遲左黎m幾日,上個月23號同男朋友有性行為,開頭入左去一兩下之後帶返套,上個月7號黎m,但依家都未黎,好驚,但肚同胸完全無脹痛個啲症狀,我係咪應該要買支驗孕棒去驗下?

你好 @Win :wave:t2: :wave:t2:

因為你有冇使用過安全套嘅性行為,即使只係抽插左幾下,陰莖分泌出嚟嘅透明液體,亦即係尿道球腺液,裏面可能會含有少量嘅精子,都會有懷孕嘅風險。 :exclamation: :exclamation: :exclamation:

你意思係咪講緊上個月23號同男朋友發生性行為,今個月7號係預計來月經嘅日子呀?如果係咁嘅情況,你而家可以去買驗孕棒驗孕,因為過咗性行為後11日,已經可以得出比較準確的結果,建議你用電子驗孕棒,除咗顯示得比較清晰之外,仲會有埋懷孕嘅週數。 :wink:

你所講嘅,肚漲或者胸漲都係一啲常見嘅經前徵狀,但係呢啲徵狀都係有好多身體嘅因素所影響嘅,有或者無出現都唔代表月經係咪會就快嚟,就算上個月有今個月都未必會有嘅,因此都唔可以用呢啲徵狀嚟做標準嘅。 :relaxed:

記住呀,安全套係要全程使用,只要有陰莖插入陰道嘅性行為,就算只係一下,都有可能因為尿道球腺液裏面嘅少量精子而懷孕。 :pleading_face: