上個月有黎M會唔會有咗?好驚

2/5 同男朋友隔住底褲磨(佢有着底褲 我冇)
6/5 就嚟咗M 平時6號嚟 但係今個月遲咗 到而家都未嚟 會唔會有機會有咗?上個月係咪假月經?

如果你5月2號發生嘅性接觸只係隔住底褲體外摩擦嘅話,其實懷孕嘅機會係好低微嘅。精子暴露喺體外好快就會死亡,因為精子要靠精液或者尿道球腺液(陰莖喺受到刺激嘅時候分泌嘅透明嘅液體,當中有機會含有少量精子)呢啲媒介提供養分先生存到,當精液/尿道球腺液接觸到底褲,呢啲液態好快會揮發,所以精子會生存唔到,更加唔會接觸到你嘅陰道口之後遊向子宮。 :wink:

而本身月經係好容易受到其他因素影響嘅,例如荷爾蒙分泌、飲食、作息、壓力、藥物同生活習慣改變等等。所以每人每一次嘅月經週期都有機會唔同。你呢排會唔會休息得比較少?或者會唔會壓力比較大?呢啲因素都會影響月經嘅。如果你而家喺青春期嘅話,荷爾蒙水平相對會比較浮動,月經週期因此都會比較容易發生變化。建議你放鬆下心情,月經會出現嘅。 :blush:

至於你5月6號嗰次月經,都想了解多少少情況先。你嘅流血量同埋流血日數同平時相比有冇好大嘅分別?同埋都想了解下你所講嘅「假月經」係指啲乜嘢?係指著床性出血? :face_with_monocle:
如果流血量同日子同平時月經差唔多,咁都唔會係「假月經」。而且5月2號發生完性接觸,如果5月6號有月經出現嘅話,都可以排除懷孕嘅可能。 :relaxed:
而較為常見嘅經期間出血會係排卵期出血,因為荷爾蒙水平變化導致少量子宮內膜脫落,一般嚟講會相比起月經流血量較少、流血日子較短。而著床性出血係要卵子受精著床先有機會出現,再加上卵子受精著床需要6-10日時間,所以唔會係你嘅情況。而其他嘅經期間出血其實都值得留意,如果持續出現嘅話都要去睇下醫生,睇下係咪因為一啲病理性(例如荷爾蒙分泌問題/子宮頸疾病等)嘅原因導致出血。 :woman_health_worker:t2: :man_health_worker:t2:

最後,建議你地下次再發生性接觸嘅時候,即使唔係進行陰莖陰道插入式嘅性行為,你地都可以考慮使用安全套,咁就可以避免陰道口同精液/尿道球腺液接觸,可以更加安心啊。關於正確使用安全套嘅資訊,可以參考:https://www.instagram.com/p/B4EX0FVFLUf/?utm_source=ig_web_copy_link

唔該晒你:sob:安心咗好多:pray:t2:

1個讚