仲未黎月經

本人單身。對上一次黎月經係4月30號-5月6號,跟住到依家都仲未黎m,但最近呢兩日發現下面有少少出血既跡象,量係超級少,淡淡色既,之前試過成3個月都未黎m於是去睇中醫,中醫話係腎虛,食完中藥之後跟住又好正常咁每個月黎m,但到呢個月又唔黎了,唔知有冇關係呢? 洗唔洗去睇西醫檢查?

Hello @xxivnl :blush: :wave:t2: 想了解一下你過往月經週期一般大概係幾多日?同埋最近1-2個月,身體有無經歷特別嘅狀況?

除左發生性行為之外,月經來遲都有好多原因引起,例如最近生病有服藥(特別係抗生素)、情緒有起伏、壓力過大、生活作息唔定時、飲食唔規律:relaxed:。所以如果最近身體都有經歷以上嘅情況,都有機會導致月經來遲。除此之外,月經唔穩定亦有其他原因,例如子宮同卵巢方面出現問題,或者荷爾蒙嘅分泌出現變化,所以去婦科做比較詳細嘅檢查都會比較安心 :blush:

暫時出現少量血絲嘅狀況,都有機會係來經前嘅徵兆,月經方面可以再耐心等候多幾日先 :wink:。經前症狀會因為每個人嘅身體嘅情況而有所唔同,唔係每一個女性,亦唔係每一次月經都會經歷經前症狀。

如果服用中藥過後,身體都有正常每個月來經,咁相信今次月經來遲嘅原因,未必係由服用中藥所引起。反而係最近身體嘅狀況,可能會較大影響。因為見你之前都曾經試過三個月無來經,今日暫時相隔四十幾日未黎,其實都建議儘快去睇睇西醫,做番個詳細嘅檢查會比較好。因為有機會可能身體出現嘅狀況,之前服用中藥嘅時候有稍微舒緩左,令月經正常穩定出現番。不過中藥本身未必能夠處理好身體嘅問題,令停止服用中藥後,月經嘅問題就重新出現番。所以早D做番個檢查,都可以知道月經來遲嘅原因,儘快對症下藥啊 :smiling_face_with_three_hearts:

Hello~多謝你詳細既回覆呀 :grin: 過往月經週期一般大概係35日~ 最近我5月到依家都係到煩惱緊搵工既野,唔知會唔會有影響到呢 :rofl: 過多幾日如果再冇黎我就會去睇西醫檢查一下了!