LongD 應唔應該表白

係咁嘅,我今年中六考完DSE。我同一個女同學好熟,每一次同佢傾偈都可以傾到四五個鐘頭,最近考完試仲單獨約咗佢出街。佢同其他女仔好唔同,佢好成熟亦都難得地同我投契。有時對話甚至有少少曖昧,可以話係友達以上戀人未滿嘅關係。但係我今年決定要出國讀書,我知道如果要喺埋一齊嘅話一定要一段好長時間嘅LongD。有一次我同佢傾偈嘅時候,我借啲意試探佢對LongD嘅睇法,佢話佢自己接受唔到LongD。我知道每一次同佢一齊嘅時間只會倒數咗,又怕如果我表白之後連朋友都冇得做,而我真係好唔想失去一個咁難得嘅女仔。究竟我應唔應該表白…(_)

Hello~ 遠距離戀愛的確唔容易維繫,所以都好明白你嘅糾結:pleading_face: 最終要唔要同對方表白係你嘅個人選擇,不過我地都可以就住你嘅情況同你分析下唔同嘅選擇嘅:blush: 好多人喺考慮要唔要表白嘅時候,好多時都會想像最壞嘅情況,就係被對方拒絕然後大家從此無得再做朋友,雖然的確有依個可能性,但係其實都好睇雙方本身嘅關係同埋表白時嘅方式嘅。

如果雙方都已經認識左一段時間,大家都投契嘅話,咁表白就唔會顯得太突兀。另外,如果表白時讓對方知道你係想表達對佢嘅感覺,而你亦都會尊重佢嘅感覺嘅話,咁就唔會令對方感到尷尬或者壓力大而影響你地本身嘅關係。

至於有關對方接受唔到long d方面,你有機會都可以了解多少少佢接受唔到嘅原因,睇下有無解決/改善嘅方法,因為其實好多時都係講求雙方嘅信仼同溝通。

如果依然係好糾結嘅話,你可以想像下如果宜家無同到對方表白,然後對方同左另一個人一齊嘅話,你會唔會覺得後悔?相信依個答案都可以幫助你作決定:muscle:t2: