困擾了我兩年。看看在這平台能否找到解決方法。
2009年，我和他相識。2014年，我和他結婚。兩年前，無意中看他手機，發現他「問價」。我識佢時覺得佢係乖仔，婚姻生活也不錯。這次發現傷透我心。即使他不承認和其他不正經既女人做過，只承認去過一次酒店俾一個女人同佢按摩，我到依家都未能釋懷。我同我家人講，家人話只有「信或不信」（信他就繼續和他做夫妻，不信則離婚）。我甚至懷疑過我媽和他有路（因為她沒有大罵過佢一餐），使我和我媽的關係變差。其實，我係唔捨得佢。佢在我知道後，都表現後悔，話不會有下次。但我依然半信半疑，check得佢好緊（例如他在學校上班或外出時，一天和他幾次視像通話）。未有發現咩異樣。我們一直都未有BB，最近（再之前我和他都有求醫，他的問題為主）和他看過醫生，醫生要開壯陽藥給他。但近來我又發現他好似沒有食晒D藥，我又擔心佢係咪留番叫鷄前食。我將這些告訴家人，我細佬就建議我打向晴熱線。我就唔係好想同三九唔識七既人講呢D野。自2019中，因種種原因，我都沒找到工作，變左成日將焦點放在他身上，懷疑他做一些對我不忠既事。好煩好煩牙！！！
hello 你好啊～ 
首先都感受到呢段親密關係對你情緒嘅影響，由2014年到依家似乎都未能夠釋懷 
，甚至因為同伴侶嘅不愉快，而令到日常生活嘅方方面面。無論喺同屋企人嘅關係，定喺疑心某d伴侶嘅舉動，都會聯想起以往嘅唔開心嘅事件。**所以想開始重建對關係嘅信心，又或者釋懷放底以前發生過嘅事，都可以由坦誠溝通開始。首先可以同伴侶重申溝通嘅目的並唔喺責罵對方，唔喺要令到對方自責，而喺唔想舊事發酵，影響依家嘅婚姻關係。**然後，可以坦誠直接表達呢件事對你嘅影響，包括喺情緒上變得煩燥同多疑，生活上又會影響到屋企人嘅關係等等。字裡行間，其實都感受到係你依然愛你嘅伴侶，否則，就唔會咁苦惱被呢件事影響。所以都鼓勵你就長遠而言，根治問題根源可以由坦誠溝通開始，再傾下點樣重建信心。 另外，都建議你可以搵下新兼職又或者可以發展新興趣，咁樣令到自己生治中除咗親密關係之外，有其他野可以關心～分散注意力～ 
希望可以幫到你啦