個人經期都比較吾準，同埋想食避孕藥避孕。之前都有睇家計會食過一次，食左第一次就即刻頭暈頭痛，夜晚又嘔左兩次，都即刻停左念住下次再去家計會個到轉藥，試下其他睇下。
但系岩岩系網上睇到有人念住轉藥，咁佢食完都有少少頭痛，家計會姑娘就話頭痛吾好食藥所以冇開，我就念咁我系咪都冇得食。
你好呀 @bigbb 
每個人嘅情況可能都好唔一樣，有啲人可能係因為身體嘅狀況暫時唔太啱食，可能就要嘗試其他避孕方法，例如打避孕針、用子宮環等等；有啲人可能因為唔啱食混合荷爾蒙避孕丸，所以要轉食單一荷爾蒙嘅避孕丸，所以最好都係約家計會幫你睇下點樣先，而且家計會都會俾你試下唔同牌子嘅避孕，睇下邊隻藥你嘅身體會適應得好啲嘅～ 