想問下避孕藥係咪一定要月經黎嘅第一日開始食？
如果係月經前兩個星期想開始食可唔可以，定係會有影響所以一般建議月經黎先可以開始食？因為知道要定時食7日之後先有效，但又因為就黎週年紀念，所以想快啲開始食適應下先 
另外想問有無話疫苗同避孕藥有無衝突，因為外國好似話打咗疫苗3個月唔好食避孕藥，但唔知香港嗰兩隻係咪…
感謝解答！
你好呀 @learner 
喺月經期間食避孕藥嘅話，功效會建立得好啲嘅，因為咁樣可以確保你係冇懷孕嘅情況底下食避孕藥，先至會有效，而且月經都會調節得好啲嘅。但係係頭七日都要使用額外嘅避孕方法，例如安全套，每個人對避孕藥嘅反應都唔一樣，咁樣萬一有啲反應，例如第二日食藥就嘔，咁藥效就唔可以維持，都會有懷孕嘅風險嘅。 
同埋如果使用避孕藥作為你地都同意嘅避孕措施，就要定期每日都服用嘅，因為身體都要去適應藥物。一時食一時停嘅話好容易令身體嘅荷爾蒙變得唔穩定而影響月經週期架。 
至於疫苗嘅情況，就要搵返醫生去檢查下，你可以去家計會搵醫生開藥俾你嘅時候問下，因為每個人對疫苗嘅反應唔一樣，再加上避孕藥係適應期間出現嘅反應都唔能夠預計，所以最好都係打針嘅時候都問下醫生，睇下會唔會適合同時使用疫苗同避孕藥。 
1個讚